Nos Capitulum Quinqueecclesiensis Ecclesie memorie commendamus, quod secundum formam litterarum Nicolai Palatini in quindenis Sancti Martini inter Magistrum Kemyn filium Comitis Laurencij quondam Palatini, seruientes suos, jobagiones suos, et quoslibet spectantes ad ipsum ab vna parte; inter Magistrum Julam Comitem de Borona et de Tholna, seruientes suos, jobagiones suos, et quoslibet spectantes ad ipsum: ab altera; discretus vir Magister Nicolaus Prepositus, Magister Nicolaus Custos Ecclesie nostre, et Damyanus Notarius noster; item ab aduersa parte Mykud Banus, et Rennolch filius Comitis Dionisij, ceterique uiri nobiles comprouinciales super causis parcium utrarumque inferius articulatim expressis fuerunt coram nobis taliter arbitrati, utrisque partibus, uidelicet Magistro Jula et Magistro Kemino in nostri presencia comparentibus et assumpmentibus in persona; scilicet in octauis Sancti Nicolai confessoris coram nobis Comes Koppan officialis et castellanus Castri eiusdem Magistri Kemyn iurabit super eo, quod in composicione facta inter ipsum, et inter Abbatem de Sancta Trinitate unam pecudem de villa Wgh a filio Comitis Andree non ascripserit recepturum. Item eodem die et loco Gurgh iobagio Magistri Kemyn secundo se sibi pari iurabit super eo, quod Comes Omoin res suas ad ualorem vnius fertonis receperit indebite; extunc ipse Comes Omoin dabit eidem Gurgh unum fertonem in termino per nos assignato. Item eodem die et loco Comes Omoin iurabit supen eo, quod ipse res Petri et Ladyzlai iobagionum Ladizlai filij Welk ad ualorem vnius mance et fentonis non receperit. Item eodem die et loco frater Johannes Prior de Boych iurabit super eo, quod centum quinquaginta sales, clamis et tunica iobagionis Magistri Kemyn aput fratrem Blasium Abbatem de Sancta Trinitate composicione facta inter Abbatem et Koppan non remanserint reddendi. Item eodem die et loco Comes Michael filius Michaelis et Ladyzlaus filius Welk iurabont super eo, quod ipse Ladyzlaus sales, pisces, ceteras res iobagionum Magistri Jule non receperit ad ualorem duarum marcarum. Item eodem die et loco Comes Botyn, Benedictus de Kassad, et Johannes filius Mortunus iunabunt super eo, quod ipse Comes Botyn Nicolaum de Chergy seruientem Ladyzlai filij Welk non destruxerit, et in hoc uel in hys expers sit et immunis. Item eodem die et loco Stephanus de Thokma iurabit super facto quinque pecudum iobagionum Magistri Kemyn, sicut sibi constat. Item Comes Omoin ad fidem suam soluet precium equi Comitis Koppan impediti in foro Soklous cum homine Comitis Omoin. Item Comes Omoin debet reddere unum bouem, unam uaccam, unum iumentum in termino tunc per nos assignato Magistro Kemyno antedicto. Preterea ex aduerso, scilicet pro parte Magistri Jula, in eisdem octauis Sancti Nicolai Comes Omoin castellanus Castri eiusdem iurabit super eo coram nobis, quod Lampertus Symigiensis seruiens Magistri Kemyn equos vel equas tres numero, et CCC sales iobagionum Magistri Jule receperit indebite, non reddendo requisitus; et extunc hos equos et hos sales Magister Kemyn neddet in termino tunc per nos assimnato. Item eodem die et loco Comes Koppan predictus iurabit super eo, quod ipse non receperit equam Heydrich de Soklous. Item iurabit Comes Koppan super eo, quod in recepcione rerum Dees expers sit et immunia. Item eodem die et loco Comes Omoin iurabit super eo, quod ipse Comes Koppan CCCC cubitos telarum et unam marcam ab Audornico de Soklous receperit sine causa, extunc Comes Koppan reddet ablata. Item eodem die et loco Comes Koppan iurabit super eo, quod ipse a Paulo filio Gurgus de Soklous CCCC sales non receperit. Item ipse Koppan iurabit super eo, quod ipse quendam iobagionem Magistri Jula insequentem vel requirentem quatuor oues suas subtractas captiuauerit repertum tanquam furari uolentem. Itam eodem die et loco Magister Kemyn iurabit super eo, quod ipse uel homines sui in equis, in pecudibus, in salibus a Gregorio et Salomone iobagionibus Magistri Jula recipiendo res dampnum ad ualorem duodecim marcarum non intulerit, in hoc ipse et homines sui sint expertes et immunes. Item Comes Omoin iurabit super eo, quod Matey iobagio Magistri Jula ex illo uulnere eidem per homines Magistri Kemyn illato mortuus fuerit; extunc Magister Kemyn soluet homicidium eiusdem, sicut consuetudinis est in Regno. Item Magiater Kemyn pro uulnere Nicolai fratris eiusdem Matey dabit decem pondera denariorum Budeusium. Item ipse Magister Kemyn pro pecude quadam dabit unum fertonem. Item pro altera pecude sciet ueritatem ipse Magister Kemyn; et si sciuerit hominas suos recepisse, eciam dabit fentonem pro ea. Item in eisdem octauis Sancti Nicolai Thomas de Rend iurabit super eo, quod Moys duos boues Vasand iobagionis Magistri Jula non receperit. Item Johannes de Touthfolu si iurauerit, quod Koppan tria paria ocrearum iobagionis Magistri Jula receperit; extunc pro eis Comes Koppan dabit nouem pondera. Item Magister Kemyn super abcisione trium digitorum relicte iobagionis Magistri Jule satisfacturum se ascripsit. Item super facto vndecim boum Comitis Botyn et fratris sui Andree interrogabitur Magister Johannes filius Ladyzlai, si predicti boues recepti in uilla sua sint Comitis Botyn et fratris sui; et si eorundem fuerint, extunc Magister Kemyn reddet eisdem uel faciet reddi per Comitem Koppan, Johannem Cumanicum, Cyko, Lampertum et Ladyzlaum, uel refundet precium eorundem. Item Comes Kemyn dabit Paulo filie Obulina sex marcas, et reddet eidem unum equam ualentem pro una marca. Item super confraccione clausure pisciue ipsius Pauli Magiater Kemyn ab Petro et Paulo seruientibus suis faciet iusticiam obseruato ordine ionia. Item Magiater Jula super eo iurabit, quod res et pecudes siue bona Stephani filij Sydrak homines sui non receperint, et in hoc et ipse et spectantes ad ipsum sint immunes. Item eodem die et loco Magister Jula per se iurabit super decem marcis, item XX nobiles homines adducti per eundem iurabunt super XX marcis: scilicet quod Magister Kemyn dampnum XXX marcarum Christoforo filio Christofori paruulo eiusdem Magistri Jula irrogauerit; extunc Magister Kemyn has XXX marcas dabit eidem Christoforo tunc in termino per nos assignato. Item ipse Magister Kemyn forum eiusdem paruuli remittet eidem secundum forman litterarum nostrarum priuilegialium. Item eodem die et loc Magiater Jula si iurabit super eo, quod Magister Kemyn al Johanne filio Pauli vudecim pecudes et XXX duo pecora receperit indebite; extunc Magister Kemyn reddet eidem in termino tunc per nos assignato. Dicimus, sicut eciam pertes noluerunt, quod si aliqua de preterito negocia parcium essent omissa; nichilominus ad recordacionem arbitrorum predictorum assumpserunt se facturas in die sacramentorum suorum. Siquidem predictis omnibus sacramentis et solucionibus peractis conficientur litterre nostre inter partes obligatorie; inter cetera continentes, quod si qua parcium in futurum iniuriarum incitatrix quarumlibet, dampnorum datrix quorumlibet extiterit quandocunque, primo citatus cum tergiuersacione absque strepitu judicij alicuius, centum marcas soluere debeat parti aduerse pacem obseruanti, ad seitum et ad inquisicionem nostram faciendam Regio de mandato. Datum in festo Beati Andree Apostoli anno Domini millesimo ducentessimo nonagesimo quarto.

Kivül: Pro Magistro Jula contra Magistrum Kemyn.

(Eredetie bőrhártyán, a pecsét elveszett; a budai kir. kamarai levéltárban.)