Nos Capitulum Ecclesie Posoniensis significamus vniuersis quibus expedit per presentes, quod constitutis coram nobis personaliter Magistro Petro fratre Comitis Farkasij de Ovga ab una parte, Symone filio Chege cum filio suo Cozma confessus est oraculo uiue uocis, quod ipse de terra sua hereditaria minus vno triginta iugera terrarum arabilium, sita in inferiori parte terre Koto uersus orientem, uendiderit eidem Magistro Petro, et per eum heredibus suis, heredumque suorum successoribus pro tribus marcis denariorum Wiennensium iure perpetuo et irreuocabiliter possidendam. Quam summam pecunie prefatus Symon cum filio suo Cozma ab eodem Magistro Petro plenarie se recepisse in nostri presencia est confessus. Obligauit eciam se Symon predictus cum filio suo Cozma in hunc modum; quod quicunque processu temporum sepedictum Magistrum Petrum racione terre prefate impetere for sitan attemptaret, ipse Symon sepe nominatus cum filio suo Cozma tenebuntur eundem Magistrum Petrum expedire proprijs laboribus et expensis. In cuius rei memoriam presentes dedimus litteras sigilli nostri munimine roboratas. Datum anno Domini M°CC° nonagesimo quarto.

(Eredetie bőrhártyán, melyről a káptalannak pecsétje hártyazsinegen függ; a budai kir. kamarai levéltárban.)