Anno Domini M°CC° nonagesimo quarto indiccione septima. Regnante domino Andrea Serenissimo Rege Hungarie; et tempore Magnifici et potentis viri domini Georgij de Birberio Comitis Almissi, die Veneria IX. Aprilis. Cum dominus Mattheus domini Lucij Sindicus (et procurator Communis et hominum) Tragurij - - - - - - pro domino Georgeo Comite, et pro Communi et hominibus Almissi, ac alijs fidelibus dicti domini Comitis, se et Commune Tragurij obligauerit etc. Idcirco prudentes viri dominus Nicola Comes Radigosti Priuoslauus et Budie Judices dicti Communis et hominum Almissi, cum consensu et voluntate Consilij seu pocius Parlamenti dicti Communis Almissi, in platea dicti Communis ad vocem preconis de mandato eiusdem domini Nicole Comitis et dictorum Judicum more solito congregato promiserunt etc. se liberaturos Commune et homines Tragurij ab ipsa fideiussione MMM librarum, si occasione hominum Almissi inciderint in penam dictarum MMM librarum; et reficere damna, expensas, interesse ab obligacione, dantes authoritatem realiter et corporaliter retinendi homines de Almisso, donec fuerit integre satisfactum, renunciantes priuilegio etc.

Actum in platea dicti Communis Almissi; presentibus Zulla filio Zupani Budislaui, Stoislauo filio Barbani, Petre Cuitane Conaci, et pluribus alijs de dicto Parlamento, omnibus hys vocatis et rogatis.

Et Ego Siroctus Petri etc.

(Lucius, Memorie storichs di Trau 133. l.)