Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus quam futuris presens scriptum inspecturis salutem in Domino sempiternam. Ad vniuersorum tam presencium quam futurorum noticiam harum serie volumus peruenire, quod nobilis vir Comes Ladizlaus, filius Comitis Nicolai, ad nostram accedens presenciam, exhibuit nobis quoddam priuilegium domine Thomasine karissime matris nostre super collacione cuiusdam terre seu possessionis Zub uocate confectum; petens a nobis, ut ipsum priuilegium ratum habere et nosho dignaremur priuilegio confirmare. Cuius quidem priuilegij tenor talis est:

Thomasina D. gr. mater domini Andree illustris Regis. Hungarie stb. (következik Thomasina a király anyjának 1295-ki okmánya mint alább 122. sz. a.)

Nos igitur consideratis et eciam circumspectis meritorijs obsequijs predicti Comitis Ladizlai, que nobis exhibuit locis et temporibus oportunis, et specialiter in hoc articulo; predictum priuilegium domine matris nostre, non abrasum, non cancellatum, nec in aliqua sui parte uiciatum, de uerbo ad uerbum presentibus insertum, auctoritate nostri priuilegij duximus confirmandum, predictam terram Zub ipsi Comiti Ladizlao nichilominus auctoritate presencium denuo damus, conferimus et donamus. In cuius rei memoriam firmitatemque perpetuam presentes concessimus litteras duplicis sigilli nostri munimine roboratas. Datum per manus discreti uiri Magistri Theodori Albensis Ecclesie Prepositi, aule nostre Vice-Cancellarij didilecti et fidelis nostri anno Domini M°CC° nonagesimo quinto.

(Az eredeti után Knauz Nándor, Magyar Sion III. köt. 935. l.)