Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentes litteras inspecturis salutem in Domino sempiternam. Ad vniuersorum noticiam tenore presencium uolumus peruenire, quod Hock filius Jank, Buda, Isov et Nicolaus nobiles die Turch, cum ceteris cognatis ipsorum de Muthna, ad nostram accedentes presenciam exhibuerunt nobis priuilegium domini Bele Regis Hungarie felicis recordacionia aui nostri karissimi super possessione ipsorum Muthna confectum; petentes cum instancia, vt ipsum priuilegium ratum habere, et nostro dignaremur priuilegio confirmare. Cuius quidem priuilegij tenor talis est:

Bela Dei gracia Hungarie stb. Rex stb. (következik IV. Béla királynak 1263-ki adománylevele, mint gyüjteményünk VIII. vagyis a második folyam III. kötetének 56. I. 36. sz. a.)

Nos itaque iustis et legittimis peticionibus Hock, Buda, Isow et Nicolai predictorum inclinati, ipsum priuilegium Bele Regis felicia recordacionis aui nostri karissimi non abrasum, non cancellatum, nec in aliqua sui parte viciatum, ratum habentes et acceptum, de uerbo ad uerbum presentibus insertum auctoritate presencium confirmamus dupplicis sigilli nostri munimine roborando. Datum per manus discreti viri Magistri Theodory Prepositi Albensis Ecclesie aule nostre Vice-Cancellarij dilecti et fidelis nostri anno Domini M°CC° nonagesimo quinto, Regni autem nostri anno sexto.

(Eredetie bőrhártyán, Körmöcz sz. k. bányaváros levéltárában.)