Nos Nicolaus Regni Hungarie Palatinus et Judex Comanorum stb. quod in Congregacione nostra Generali Vniuersitatis Nobilium Comitatus de Walhow feria secunda proxima ante octauas festi Natiuitatis Sancti Johannis Baptiste in Zabadi celebrata, Johannes filius Alexandri de medio vniuersorum nobilium consurgendo contra Magistrum Phylpus filium Laurencij de Korongh exhibuit nobis quasdam duas litteras priuilegiales, vnam videlicet domine Thomasine matris Regis Dei gracia tunc Ducisse tocius Sclauonie a Danobio usque mare, secundam Conuentus Waradiensis, in anno Domini M°CC° nonagesimo quinto emanatas; in quarum tenoribus inter cetera reperimus, quod Laurencius Magister Dapiferorum dicte domine, et Magister Phylipus ac Ladizlaus, filij Magistri Phylipi, primo coram eadem domina, demum in eodem anno in presencia dicti Conuentus comparendo, quandam possessionem ipsorum hereditariam Wruzy vocatam, in Comitatu de Walkow existentem, per modum diuisionis a Magistro Johanne, Phylippo, Demetrio et Ladizlao filijs Comitis Ladizlai distinctam et separatam, et in jus ac proprietatem eorundem deuolutam, ex pura et sincera permissione eorundem filiorum Ladizlai, pro fidelitatibus et seruiciorum meritis Comitis Alexandri pugilis, que idem tempore Magistri Phylippi patris ipsorum bone memorie, et demum eisdem in diuersis expedicionibus suis laudabiliter inpendisset et deuote, ac effusione sanguinis eiusdem, confessi fuissent dedisse eidem Comiti Alexandro, et per eum suis heredibus jure perpetuo et irreuocabiliter pacifice possidendam sub hijs metis et terminis, quibus eadem possessio Orozy per priores possessores suos limitata fuerat et possessa; tali modo, vt ragione ipsius possessionis Wruzy ijdem filij Magistri Phylippi quinquaginta marcas in denarijs ab eodem Comite Alexandro dixissent se recepisse, et alias quinquaginta marcas pro stipendio et effusione sanguinis eiusdem Alexandri ab eisdem ad racionem ipsius possessionis per eundem assumpsisse in hunc modum; quod quandocunque vel per quemcunque tam per ipsos filios Magistri Phylippi, quam per filios Comitis Ladizlai, vel suorum successores contra ipsum Comitem Alexandrum vel suos successores alicuius questionis materia mota seu susscitata fieret, antequam in litem prodirent, ipsas centum marcas ipsi Comiti Alexandro vel suis posteritatibus ijdem filij Magistri Phylippi et Ladizlai, vel sui successores, proximi et cognati refundere tenerentur, et eundem Comitem Alexandrum a quolibet impediente super ipsa possessione expedire proprijs laboribus et expensis stb. Datum quinto die Congregacionis nostre predicte et loco nominatis anno Domini 1343.

(Eredetie bőrhártyán, a budai kir. kamarai levéltárban.)