Nos Comes Martinus Vicejudex Curie domini Regis memorie commendantes significamus vniuersis quibus expedit presencium per tenorem; quod cum Comes Thomas de Draa pro se et pro omnibus filijs ac cognacionibus suis eum litteris procuratorijs Capituli Waciensis, Comes Stephanus filius Aba pro se et pro filijs suis; item Stephanus filius Mycow pro se et pro Buzow fratre suo cum procuratorijs litteris Capituli Budensis; as Petrus filius Dedach pro se et pro filijs suis cum litteris procuratorijs Conuentus de Saagh conparentes contra Comitem Michaelem filium Folkus, Magistrum Symonem Cancellarium domine Regine, Thomam et Pethew filios eiusdem Comitis Michaelis, ex quibus et pro quibus ijdem Magister Symon et Thomas cum procuratorijs litteris domini Regis aderant, agere voluissent; ijdem Magister Symon et Thomas accionem eiusdem Comitis Thome non audiuerunt dicentes, quod dictus Comes Thomas et filij sui ex consensu et uoluntate predictarum generacionum eorundem pendente lite citacionem fecissent super ipsos; ad hoc litteras Cruciferorum de Calidis Aquis se habere asserentes; statu et ordine aliarum litterarum nostrarum ipsi Comiti Michaeli et filijs suis statuere commisimus in termino in eisdem litteris nostris memorialibus comprehenso. Verum cum hoc modo inter partes contenderetur, ijdem Magister Symon et Thomas pro se, patre et fratre eorum, ipsum Comitem Thomam, filios et cognatos suos predictos requisiuerunt, si ad illam possessionem Pehchan, quam scilicet possessionem Comes Mykow auus ipsorum a Dedach, Mycow, Aba, Paulo et Hunth ex permissione ipsius Comitis Thome mediante priuilegio Capituli Badensis conparauerat, a parte meridionali existentem, haberent accionem nec ne? Qui pariter et concorditer retulerunt viua uoce, quod ad illam possessionem Pehchan nullam haberent penitus questionem, ymo eandem statu et ordine ipsius priuilegij Budensis Capituli, cum omnibus suis vtilitatibus, uidelicet cum omni dimidietate siluarum, dimidietate nemorum, et cum omnibus locis molendinorum, et specialiter cum loco illius molendini, quod in meta illius terre in fluuio Ipul esse dicitur, reliquerunt ipsi Comiti Michaeli et filijs suis supradictis perpetuo possidendam et habendam, silencium super hoc perpetuum assumpmentes. Insuper idem Comes Thoma et filij sui spontanea voluntate assumpserunt; quod si de cetero in facto dicte possessionia Pehchan processu temporis ipse uel filij sui, aut aliqai ex cognacione sua procedere niterentur, extunc contra eundem Comitem Michaelem et filios eiusdem haberentur pro conuicto, ac si in duello succubuissent contra ipsos, quod duellum ad mortem fieri debuisset. Placuit eciam ipsa resignacio possessionis Pehchan ipsi Comiti Thome, filijs et cognatis suis predictis, eo modo, ut eum eidem Comiti Michaeli et filijs suis placaerit, ipsam resignacionem litteris Regalibus confirmabunt. Preterea partes predicte se contra inuicem super facto alterius possessionis Pehchan, quam Comes Thomas predictus Nicolao Archidiacono vendidisse dicebatur, prohibuerunt coram nobis. Datum Bude septimo die vigesimi secundi diey sabbati proximi, que fuit ante festum Beati Michaelis Archangeli anno Domini M°CC° nonagesimo quinto.

(III. Endre királynak 1298. ítéletéből; a budai kir. kamarai levéltárban.)