Nos Magister Johannes Comes Supruniensis et Castri Ferrei memorie commendantes significamus vniuersis quibus expedit presencium per tenorem, quod cum Johannes Comes, Thiuan et Luka, filij Comitis Thiuan de genere Herin, Magistrum Emiricum et Egidium filios Comitis Paridis genere de eodem super facto possessionum suarum Gely vocatarum ad nostram presenciam euocassent, ordine judiciario agere cupientes, cuius eiusdem partes ante suam responsionem ex nostra permissione propter bonum pacis in talem vnionis, federis et concordie titulum deuenerunt; quod ijdem Johannes Comes, Thiuan et Luka de terris suis acquisitis, exceptis terris corum hereditarijs, exclusa porcione Magistri Emirici et Egidi predictorum, et exempta porcione Stephani filij Magi stri Jacobi, terciam partem illius porcionis, quam ipsi possidebant, vicinam et continuam, ymo adiacentem terris Magistri Emirici et Egidi prescriptorum, dederunt, contulerunt et donauerunt Magistro Emirico et Egidio jure perpetuo pacifice et quiete ac irreuocabilitar possidendam heredum per heredes hoc adiecto, quod si parcium aliqua super factis preteritis, et specialiter super facto et destruccione predicte possessionis lites seu questiones excitare uoluerint, pars uolens hostiliter agere contra partem alteram in quinquaginta marcis conuinceretur tacentem, et nullam questionis materiam generantem, nec non presentis composicionis ac ordinacionis materiam indaiolabiliter obseruantem. Voluerunt eciam partes, ut personaliter accederent ad Capitulum Ecclesie Sancti Michaelis de Castro Ferreo, et nostrum priuilegium eum priuilegio eiusdem Capituli confirmarent.

(A vasvári káptalannak ugyan 1295-ki átiratából, mint alább 135. sz. a.)