Nos Capitulum Ecclesie Strigoniensis significamus vniuersis quibus expedit presencium per tenorem, quod religiosus vir frater Dominicus de Ordine Fratrum Predicatorum, procurator sororum de Insula Beate Virginis de Buda nomine et vice earundem dominarum siue sororum ad nostram accedens presenciam, dixit nobis publice protestando, quod ciues Castri Budensis de tributo per dominum Belam Regem quondam inclitum Regni Hungarie felicis recordacionis eidem Ecclesie Beate Virginis et ipsis sororibus suis dato et concesso, et per dominum Andream nunc illustrem Regem Hungarie dominum nostrum per suum priuilegium confirmato, de foro nundinarum, quod in octauis Natiuitatis Beate Virginis Bude annuatim celebrari consueuit, isto anno quindecim diebus continuis; et de castro ac toto suburbio eiusdem Castri Budensis tributarios et officiales earundem sororum auctoritate propria expulissent; non permittendo tributum in eodem foro, castro et suburbio ipsis sororibus et earum hominibus percipere, ut deberetur, eisdem dampnum quingaginta marcarum in facto eiusdem tributi eisdem sororibus irrogando, in preiudicium ipsius Ecclesie et dominarum. Datum anno Domini M°CC° nonagesimo V°, in crastino quindenarum Natiuitatis Beate Virginis.

(Eredetie bőrhártyán, melynek hátul oda nyomott pecsétje elveszett; a budai kir. kamarai levéltárban.)