Jacobus Divina miseracione Prepositus Ecclesie Sancti Stephani Protomartiris de Promontorio Varadiensi, totusque Conuentus loci eiusdem omnibus Christi fidelibus presens scriptum inspecturis salutem in Domino sempiternam. Ad vniuersorum noticiam tam presencium, quam futurorum harum serie litterarum volumus peruenire, quod Syke, Dionisio ac Nicolao filijs suis, et Johanne fratre suo ab vna parte; Benedicto filio Benedicti, Lamberto, Stephano, et Ladizlao filiis suis, Nicolao filio Buzach, Andrea filio Vida, Laurencio, Thoma, Stephano ac Lorando, Andrea et Dionisio filijs Adriani ab altera coram nobis personaliter constitutis, declaratum extitit per eosdem; quod sextam partem terre Moro vocate vendidissent et distraxissent pro decem et quatuor marcis plene ab eisdem habitis et receptis, Syke et Johanni filijs Nicolai; et per ipsos eorum heredibus, heredumque suorum successoribus, perpetuo, pacifice, et irrevocabiliter possidendam pleno iure; assumentes et obligantes ijdem Benedictus, Lambertus, Stephanus, Andreas ac alij cognati ipsorum supradicti, vt quicunque predictos Syke, et Johannem filios Nicolai, super bono terre premisse molestare niterentur, ijdem Benedictus, cognati et fratres sui memorati proprijs laboribus, et expensis teneantur expedire. Cuius quidem terre vursus mete incipiunt: Prima meta eiusdem terre iuxta domum Botha, et Mili et Komlos; et inde tendit ad insulam Moro, et saltat ad fenetum; deinde tendit ad Kysluko versus Bozd iuxta magnam viam; et inde transit nemus paruulum, et ascendit versus Kylether, et ibi sunt due mete terree; et inde tendit ad metam terream Qualepod, et Kulether. Et sepe nominatus Syke et Johannes obligauerunt se super eo, ut quicunque cognati ipsorum litem mouere conarentur contra Benedictum et fratres suon, ijdem Syke et Johannes supradictam terram Moro expedire tenebuntur. Hoc non obmittendo, vt si fieri contingeret, quod Comes Vatha, aut filij sui litem mouere attemptarent contra Benedictum heredesque suos, extunc Syke et frater suun Johannes pariter cum Benedicto heredibusque suis debent resistere Comiti Vatha et filijs suis memoratis. In cuius rei memoriam perpetuamque firmitatem presentes concessimus litteras sigilli nostri munimine roboratas. Datum sabbatho proximo, - - - - - anno Domini M°CC° nonagesimo quinto.

( Eredetie bőrhártyán, 1848. előtt a zalathnabányai bányatörvényszék levéltárában őriztetett. Közli tek. Keméndi Várady Ádám úr.)