Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis salutem in omnium saluatore. Ad vniuersorum noticiam tenore presencium volumus peruenire; quod cum nos iuxta mandatum domini nostri Andree Dei gracia illustris Regis Hungarie, misissemus hominem nostrum pro testimonio fidedignum, cum Comite Thoma filio Pauli homine eiusdem domini Regis, coram quibus Cosmas et Paulus, filij Comitis Cosme, quandam possessionem ipsorum Dobos vocatam cum viuersis vtilitatibus et terris Pauli et Deeg vocatis, in duas partes equales diuidi facerent, quarum vnam facta diuisione metis circumquaque ab alia separando, cum omnibus vtilitatibus suis pro quarta domine Comitis Petri filij Menhardy, videlicet matris Magistri Gude, et eciam racione dotis et rerum paraferualium domine matris Thome Bani, ac racione grauaminum seu judiciorum, in quibus ordine judiciario ijdem filij Comitis Cosme contra ipsos Comitem Petrum et filium suum agrauati fuerant, statuerent et assignarent eisdem Comiti Petro et Magistro Gude perpetuo possidendam et habendam: idem homo noster cum homine eiusdem Comitis Thome hominis domini Regis ad nos reuersi nobis concorditer retulerunt, quod ipsam possessionem Dobos cum attinencijs suis memoratis ijdem filij Comitis Cosme, et Magister Gude in duas partes equales, certis metis infrascriptis ab invicem separando, diuisissent, ex quibus vnam partem superiorem eligendo cum vniuersis vtilitatibus suis recepissent pro se filij Comitis Cosme supradicti, sibi et suis heredibus perpetuo possidendam et habendam; reliquam vero partem inferiorem pro omnibus premissis reliquissent et assignassent, cum suis vtilitatibus omnibus, dictis Comiti Petro et filio suo, ac successoribus eorundem similiter perpetuo iure possideudam et tenendam; et prefatus Cosmas pro se et predicto fratre suo ex vna parte, Magister Gude predictus pro se et pro eodem patre suo ex altera, coram nobis personaliter constituti, omnia premissa affirmarunt con sequenter. Insuper idem Cosmas obligauit se et ipsum fratrem suum ac heredes eorundem coram nobis, ipsos Comitem Petrum et Magistrum Gudem, ac heredes eorundem vniuersos, ab omnibus cognatis suis de generacione ipsorum, racione dicte terre impetere nitentibus, defendere et expedire proprijs laboribus et expensis. Metas autem, quibus eedem partes terre abinuicem separantur, idem homo noster et partes taliter coram nobis expresserunt; quod prima meta iucipit ab oriente inter duo molendina; inde egreditur ad occidentem, et iungit quandam stratam, et per ipsam eundo peruenit ad quendam locum Nekechfoka vocatum, vbi sunt due metee; et directe eundo iu silua, in exitu ipsius iungit similiter duas metas, et transit quendam campum; iterato intrat in quandam siluam, et eundo directe in eadem peruenit ad quendam locum Kuchurdfoka nominatum, vbi sunt due metee; et adhuc directe eundo ad occidentem, in silua iungit quoddam flumen Eyeg vocatum, vbi sunt due metee supra molendinum Thome Bani; et eundo directe peruenit ad quendam locum Zolumkereky vocatum, vbi sunt due metee; deinde ad villam Dobos predictam, vbi sunt due metee; et pertranseundo ipsam villam iungit quoddam pomerium, vbi sub quadam arbore cerasy sunt due metee; deinde ad ecclesiam in eadem villa Dobos fundatam, et adhuc directe eundo, per campum iuxta quoddam berch iungit duas metas; deinde ad furcacionem quarundam viarum, vbi similiter sunt due metee, et ibi egreditur super quandam viam que procedit versus quendam locum Turstheluk vocatum, et eundo per magnum spacium in eodem loco Turstheluk, iungit quandam arborem perplexam, vbi sunt due metee; et adhuc ad eandam plagam eundo, inter castrum Kokoth et Hegusholm peruenit ad duas metas, vbi reflectitur inter occidentem et aquilonem; et eundo directe, peruenit ad locum Warosdobos nominatum, vbi in quodam berch paruo iungit duas metas; et transeundo ipsum locum in medio peruenit ad metas terre filiorum Alexandri Bani Mada nominate, et ibi terminatur. In cuius rei testimonium presentes concessimus sigilli nostri munimine roboratas. Presentibus tamen Magistro Stephano Preposito, Johanne Lectore, Mykow Custode, Martino de Patha, Symone de Zemlyn, Bernaldo de Sumbur, Magistro Johanne de Heues Archidiaconis, et alijs multis. Anno Domini M°CC° nonagesimo sexto. Regnante Andrea illustri Rege Hungarie, Lodomerio Strigoniensi, Johanne Colocensi Archiepiscopis, domino nostro venerabili patre (Andrea) Dei gracia Episcopo Agriensi existentibus.

A B C

(Eredetie bőrhártyán, vörös és zöld selyemzsinóron függő ép pecséttel, gróf Gyulai Lajos kolozsvári levéltárában. Közli Szabó Károly.)