Nicolaus Prepositus et Capitulum Quinqueecclesiensis Ecclesie omnibus presens scriptum cernentibus salutem in Domino. Ad vniuersorum noticiam volumus peruenire: quod Johannes filius Becha de Keulges personaliter in nostri presencia constitutus totam porcionem terre sue hereditarie, siue tatalem terram suam Keulges vocatam vltra fluuium Drauue, cum duabus villis, et cum terris omnibus suis, vtilitatibus et pertinencijs quibuslibet, ac circumstancijs vniuersis, certis metis et terminis vudique circumdatam et vallatam, in concambium alterius terre, sicut exprimitur, dedit et contulit et tradidit Magistris Laurensio, Philipus et Ladizlao filijs Magistri Philpus irreuocabiliter jure perpetuo possidendam, tenendam pariter et habendam; e contra ipsi nobiles iuuenes Laurencius, Philipus et Ladizlaus filij Magistri Philpus filij Comitis Cleti in presenciarum personaliter comparentes quandam porcionem terre sue, seu quandam terram vel possessionem suam Francheusfeldy vel Zeueboog dictam in ambitu vno seu loco vltra Drauuam iuxta fluuium Karaso adiacentem et situatam, certis metis et terminis vndique circumdatam et vallatam, cum suis omnibus vtilitatibus et pertinencijs quibuslibet, ac circumstancijs vniuersis, in concambium prefate terre seu possessionis Keulges dederunt; contulerunt et tradiderunt predicto Johanui filio Becha, sibi et per eum suis heredibus heredumque suorum successoribus et posteritatibus irretractabiliter et irreuocabiliter jure perpetuo possidendam, tenendam pariter et habendam; ad hec prenominatis Magistris Laurencio, Philipo et Ladizlao filijs. Magistri Philpus assumpmentibus bona fide sine fraude eundem Johannem filium Becha in prefata possessione Zeuoboogh vocata inuiolabiliter et immutabiliter perpetuo conseruare, et ab omnibus impetitoribus racione huius terre expedire et per omnia defensare proprijs laboribus et expensis; nichilominus cauentes super ereccione, et eciam si predicti filij Magistri Philipus et eorum heredes predictum Johannem filium Becha uel suos heredes nequirent defensare, extuve filij Magistri Philpus ex alijs terris suis vel ex aliis possessionibus suis quibuslibet impetitoribus et molestatoribus ipsius Johannis suorumque heredum satisfacient expediendo eosdem; ita uidelicet quod prefata possessio Zeuoboogh vocata cum omnibus suis vtilitatibus, et sub eisdem metis, quarum cursus exprimetur, apud eundem Johannem et suos heredes pacifice perpetuo remanebit in perpetuum possidenda; prout eciam hec premissa in patentibus litteris domine Ducisse continentur. Quarum quidem tenor talis est:

Nos domina Th. Dei gracia mater illustris Regis Hungarie stb. (következik Thomassinának 1296-ki bizonyságlevele, mint fentebb 144. sz. a.)

Cursus autem metarum huius terre Zeuoboogh vocate, prout homo noster Andreas sacerdos Ecclesie Sancte Crucis de villa filiorum Comitis Ladizlai filij Cleti Kereztur vocata ad peticionem utrarumque parcium illuc transmissus, et ad nos reuersus, partibusque presentibus ibidem nobis dixit, talis est: Incipiendo scilicet in vna meta terrea in littore fluuij Karaso erecta commetaneitate terrarum Magistri Benedicti de Saagh, tendit ad partem septemtrionalem, et cadit ad aquam viminosam Kathaplesa vocatam; per cuius aque medium eundo exit ab eadem ad vnam metam terream; deinde proceditur ad arborem magnam berekunya vocatam terra cumulatam cruceue consignatam vice mete, vbi cadit in aquam Neulenya vocatam, et per medium eundo huius aque circuit versus villam Saagh vocatam; exeundo ab eadem aqua Neulenya dicta venitur ad tres arbores ilicum vicinanter extantes, ab vno trunko vel radice procedentes, terraue cumulatas, ferroque consignatas vice mete; abhinc ad vnam metam terream angularem, in qua est arbor ilicea; vbi cadit in magnam viam de Saagh decurrentem ad ecclesiam Beate Marie de Luka, per quam diuertit ad partem orientalem ad duas arbores ilicis et quercus terra cumulatas, vbi est fouea seu fossatum Kaista dictum, aquosum ex inundacione pluuiarum, aliquando autem arridum siue siccum, vbi commetaneitas terrarum predicti Magistri Benedicti terminatur, et incipit tenere commetaneitatem cum terris filiorum Dauid et Samsonis de genere Harazth, adhuc per eandem magnam viam procedendo venitur ad aliam foueam vel fossatum simile predicto fossato; deinde vadit ad duas metas terreas angulares, in quarum altera est arbor ramis denotata iuxta biuium erectas, per quarum viarum alteram diuertit ad partem meridionalem ad duas metas terreas, in quarum vna est arbor populea, in alia vero dumus spineti; iterum ad duas metas terreas erectas iuxta viam supradictam; per quam eundo venitur ad tres metas terreas angulares, vbi declinat ad partem orientalem; per dumos spinetorum venitur ad quoddam nemus, vbi est magna arbor ilicea terra cumulata ferro consignata, vbi cadit in aquam Keresua vocatam, per cuius medium eundo exit ab eadem ad vnam metam terream, in qua est magna arbor berekunye dicta ferroue consignata; vbi commetaneitas terrarum filiorum Dauidis et Samsonis terminatur, et incipit tenere commetaneitatem cum terris Magistri Johannis et fratrum suorum, filiorum Comitis Ladizlay; vbi diuertitur ad partem occidentalem, et venitur ad vnam metam terream, in qua est arbor piri; adhuc eundo venitur ad predictam aquam Keresua; quam saliendo ad vnam metam terream; et patum sundo salit eandem aquam Keresua, et intrat in siluam vbi est meta terrea, in qua est arbor ilicis; in qua silua procedendo venitur ad aquam Begyamalaka dictam, in quam intrans ad vnam arborem iliceam magnam consignatam ferro vice mete; exinde eundo venitur prope sessionem Scynork, vbi est meta terrea sub arbore populea; inde ad vnam metam terream, in qua est arbor pomi lubachym vocata; iterum ad vnam metam terream, in qua est arbor populea; adhuc eundo peruenitur ad aquam Zugousuk dictam, et vadit alte contra cursum aquarum, venitur ad vnam metam terream, in qua est arbor magna ilex curua extans iuxta fluuium Karaso vocatum, sicque terminatur, peragratisque metis prioribus concluditur meta prima uel principale. Hoc non pretermisso; quod omnes prenarrati conterminales seu commetanei et vicini huius terre seu possessionis Zeuoboogh vocate cum fratribus suis et cognatis in perambulacione predictarum metarum coram homine nostro Andrea sacerdote supradicto, et postmodum ex eisdem isti, videlicet Magister Johannes et fratres sui Philipus, Demetrius et Ladizlaus clericus filij Comitis Ladizlay; item Benedictus filius Comitis Nicolai de Saagh, Luca filius Dauidis in presenciarum astantes huiusmodi permutacioni et concambio assensum liberalem et consensum beniuolum attribuentes dederunt, eundemque Johannem filium Becha in conterminalem et vicinum recipientes susceperunt gratanter et ioconde, liberaliter et libenter. In cuius rei memoriam presentes litteras nostro sigillo concessimus roboratas. Actum anno Domini M°CC° nonagesimo sexto mense Marcio; Stephano Cantore, Nicolao Custode, altero Nicolao Decano, ceterisque quampluribus ibidem existentibus. Datum per manus Magistri Galli Lectoris Quinqueecclesiensis.

(A pécsi káptalannak 1346. „ tercio die festi Assumpcionis Yirginis Gloriose” „ Demetrius filius Johannis filij Boche de Zeweybok” kérésére kiadott átiratából; mely Zsigmond királynak „ Quinqueecclesijs feria quinta proxima post festum Beati Briccij Episcopi et Confessoris” 1408. „ Magister Bakow filius Petri de Gnoynicha” kérésének folytán kelt parancsára, melyet „ Stephanus filius Galli de Posega” felmutatott, a pécsi káptalan által 1408. 1-decima kalendas mensis Decembris ujból átiratott; a budai királyi kamarai levéltárban.)