Capitulum Ecclesie Waradiensis omnibus Christi fidelibus presens scriptum inspecturis salutem in Domino sempiternam. Ad vniuersorum noticiam tam presencium quam futurorum harum serie volumus peruenire, quod Petro filio Luka de genere Guthkeled ab una parte, et Comite Petro filio Comitis Drug de eadem generacione pro se et pro Laurencio ac Nicolao fratribus suis ab altera parte coram nobis personaliter constitutis; idem Petrus filius Luka quandam terram seu possessionem suam herediteriem Romad uocatam in Comitatu de Zothmar iuxta fluuium Zomus existentem, cuius quidem possessionis dimidietatem ipsis filijs Comitis Drug pro decem et octo marcis, aliam uero dimidietatem eiusdem Nicolao Voya uode filio Magistri Mauricij pro triginta marcis argenti dietus Petrus prius se pignori obligasse dicebat, tum pro ipsa pecunia videlicet decem et octo marcis ex parte filiorum Comitis Drug, et pro triginta marcis argenti ex parte dicti Nicolai Woyauode receptis, ut prediximus, tum eciam in concambium cuiusdam terre seu possessionis dictorum filiorum Comitis Drug Thulugd uocate in Comitatu Byhoriensi existentis, dedit et assignauit, quin pocius uendidit sub metis certis et antiquis cum suis vtilitatibus, scilicet tributo, et ecclesia in honore Omnium Sanctorum in ipsa terra fundata, piscina in fluuio Zomus, ac alijs pertinencijs vniuersis, sepedictis filijs Comitis Drug, et per ipsos ipsorum heredibus, heredumque successoribus, iure perpetuo et irreuocabiliter possidendam; quemadmodum ipsi filij Comitis Drug memoratam possessionem eorum Thulugd nominatam similiter cum suis utilitatibus, ecclesia scilicet in honore Beati Jacobi in eadem possessione constructa, et piscina, ac pertinencijs quibuslibet, sub hijsdem metis et terminis, quibus eadem terra ab antiquo limitata fuit et possessa, predicto Petro filio Luka, et suis heredibus dederunt et assignauerunt perpetuo et irreuocabiliter possidendam; predictas nichilominus triginta marcas argenti idem Comes Petrus, ut assumpsit, et fratres sui predicti memorato Nicolao Vayauode reddere et refundere tenebuntur. In cuius rei memoriam perpetuamque firmitatem presentes concessimus litteras sigilli nostri munimine roboratas. Datum in Dominica Esto Mihi anno Domini M°CC° nonagesimo sexto. Demetrio Preposito, Iwanka Lectore, Juan Cantore, Martino Custode Ecclesie nostre existentibus.

(Eredetie bőrhártyán, melyről a pecsét töredéke vörös selyemzsinóron függ; a mélt. báró Perényi család nagy-szőllősi levéltárában.)