Nos Magister Thomas Prepositus et Capitulum Ecclesie Strigoniensis significamus vniuersis quibus expedit presencium per tenorem: quod Marcellus Custos Ecclesia nostre Ladizlaum Sanctorum Cosme et Damyani, Gregorium Beati Johannis Apostoli et Ewangeliste, et Dominicum Sancti Michaelis de Koachy Ecclesiarum sacerdotes coram Magistro Emyrico Preposito Ecclesie Sancti Georgij de Strigonio, Archidiacono videlicet Cathedrali, in figuram iudicij euocando, egit contra eosdem taliter proponendo; ut ijdem Ladizlaus presbiter a quatuor annis elapsis, et Gregorius ac Dominicus sacerdotes a trium annorum spacio retrolapso, illas quantitates seu marcas candelarum, quas iuxta tenorem patencium litterarum nostrarum Custodie Strigoniensi dare debebant, a tempore Mathey quondam Custodis Strigoniensis, prehabita conuencione, eidem Marcello Custodi contumaciter non dedissent, eiusdem Custodie in preiudicium detinentes. Super quo facto cum ad fundandam et probandam intencionem suam in hac parte idem Marcellus Custos easdem nostras patentes litteras presentasset; ijdem sacerdotes, vna cum pluribus ex suis parochyanis, e contrario non valentes aliquid racionabiliter respondere, causam presentem ad examen venerabilis patris domini nostri, domini Lodomerij Strigoniensis Archiepiscopi perduxerunt; de qua re idem dominus Archiepiscopus sentenciam eiusdem Magistri Emyrici Prepositi prius latam, uisis eisdem nostris patentibus litteris, approbauit, et eidem Marcello Custodi secundum suam assercionem et proposicionem in premissis adiudicauit sentencialiter iuramentum de non datis marcis earundem candelarum, in stallo suo in Ecclesia nostra more solito et canonice deponendum, die ad hoc specialiter assignata. Ubi postmodum Magistro Jacobo Cantore Strigoniensi, et multis alijs ex socijs et concanonicis nostris presentibus, mediantibus, et amicabiliter componentibus; inter easdem partes taliter extitit ordinatum, iuramento huiusmodi propter bonum concordie relaxato: ut ijdem Ladizlaus presbiter candelas ponderis decem martarum, et Gregorius, ac Dominicus sacerdotes candelas octo martarum, partim in festo Purificacionis Beate Virginis nunc uenturo, partim autem in Carnispriuio, eidem Marcello Custodi soluerc tenebuntur; incursuri nomine pene, si eosdem terminos preterirent, solucionem omnium candelarum illarum, quas de annis pretcritis inuenti fuerint non dedisse, iuxta tenorem uidelicet predictarum nostrarum patencium litterarum; solutis uero illis decem et octo marctarum candelis, de cetero annis singulis in perpetuum ijdem sacerdotes, et eorum successores in eisdem Ecclesijs pro tempore constituti, quantitates siue marcas candelarum, in eisdem patentibus litteris contentarum, Custodie Strigoniensi sine refragacione, perpetuo pacifice et plenarie soluere tenebuntur. Datum iu crastino Santi Wyncencij martiris anno Domini M°CC° nonagesimo septimo.

(Az eredeti után Knauz Nándor, Magyar Sion III. köt, 943. l.)