A B C
Capitulum Budensis Ecclesie omnibus Christi fidelibus quibus presentes ostendenter salutem in Domino sempiternam. Vniuersorum noticie tam presencium quam futurorum harum insinuacione litterarum uolumus fieri manifestum; quod Comes Nycolaus filius Nycolayde Neuege ab un aparte, et Comes Paulus officiali dominarum sororum de Insula Beate Virginis nomine earundem ex altera, eoram nobis personaliter constituti, idem. Comes Nycolaus terram suam in Comitatu Pestiensi secus Danubium existentem Nyr uocatam, conterminalem undique possessionibus ipsarum sororum Toxum et Wosyan uocatis, ad vsum vndecim aratrorum sufficientem, ad se solum modis omnibus, ut dixit, pertinentem, quam pignori obligasse iam dudum ipsis dominabus pro uiginti et sex marcis plene receptis se asserebat, pro eadem duntaxat summa pecunie cum omnibus utilitatibus suis et pertinencijs, sub eisdem metis, signis et terminis, sub quibus per ipsum et predecessores suos habita fuisse dinoscitur pariter et possessa, nullo iure seu dominio sibi in eadem reseruato, dedit, tradidit et assignauit, utpote rem uenditam et emptam, ipsi Ecclesie Beate Virginis et eisdem dominabus sororibus in eadem Deo iugiter famulantibus iure perpetuo pacifice possidendam; assumpmendo nichilominus et obligando se idem Comes Nycolaus ab omnibus, et specialiter a generacionibus suis seu cognatis, ipsam Ecclesiam Beate Virginis et sorores iam dictas occasione dicte terre in parte uel in toto molestare nitentibus, defensare suis laboribus et expensis. In cuius rei memoriam perpetuamque firmitatem ad instanciam et peticionem ipsius Comitis Nycolay Ecclesie Beate Virginis et sororibus memoratis presentes concessimus litteras sigilli nostri munimine roboratas. Datum per manus discreti uiri Magistri Pauli Lectoris Ecclessie nostre anno Domini M°CC° nonagesimo septimo; Magistro Johanne Cantore, Magistro Gregorio Custode, Johanne Decano; Nycolao, Lukachio et Andrea sacerdotibus; Thoma, Jacobo et Petro Magistris; ceterisque Canonicis existentibus. (Eredetie bőrhártyán, a sárga-zöld selyemzsinóron függött pecsét elveszett; a budai kir. kamarai levéltárban.)