Vniuersis, quibus presentes hostendentur, frater Nicolaus Magister Domus Hospitalis Sancti Regis Stephani de Strigonio et Conuentus Cruciferorum loci eiusdem, salutem in Domino sempiternam. Ad vniuersorum noticiam tenore presencium uolumus peruenire; quod nobilis vir Comes Erdev filius Sebridi de Zeuden de Dyocesi Waciensi, de genere Gyulazumbur, ad presenciam nostram accedens, presentibus discretis viris Magistris Jacobo Cantore Ecclesie Strigoniensis et Anyano Canonico loci eiusdem, taliter est confessus: vt ipse Comes Erdev pretextu cuiusdam terre, ville, siue possessionis Nempty vocate, existentis in Comitatu Huntensi, contra honorabiles viros Prepositum et Capitulum eiusdem Ecclesie Strigoniensis coram Illustri Principe domino Andrea tercio, Dei gracia inclito Rege Hungarie nunc regnante, mouerat materiam questionis, predictam possessionem Nempty nuncupatam quam aput predictos Prepositum et Capitulum Strigoniensis Ecclesie comperit et innenit, et quam pro debito seu quantitate duceutarum marcarum per dominum Ladizlaum tercium, olim Illustrem Regem Hungarie sibi obligatam fuisse dicebat nomine pignoris et non proprie possessionis, intendens repetere et requirere ordine iudicij ab eisdem racione ipsarum ducentarum marcarum, super quo facto intencionem suam cum priuilegio eiusdem domini Regis Ladizlai paratus fuerat eciam comprobare. Verum cum in hac causa inter ipsas partes processum fuisset et diutissime altercatum; tandem idem Comes Erdev, uisis priuilegijs Regalibus, eidem Strigoniensi Ecclesie super collacione predicte possessionis olim traditis et confectis, per modum composicionis et pacis, predictarum ducentarum marcarum satisfaccione rehabita et recepta ad plenum a Preposito et Capitulo Strigoniensis Ecclesie sepedicte, huiusmodi liti cedens, et questioni sue renuncians, de sua spontanea et libera uoluntate prenotatam possessionem Nempti appellatam, una cum suis utilitatibus et pertinencijs vniuersis eidem Preposito et Capitulo Strigoniensis Ecclesie, ab hac impeticione sua liberatam et legaliter absolutam, permisit et reliquit iure perpetuo pacifice et plenarie, necnon inreuocabiliter et inretractabiliter habendam, tenendam et inmobiliter possidendam, tam sibi, quam suis heredibus et posteris amputans de cetero super facto eiusdem possessionis materiam amplius procedendi, uel aliquod ius, aut occasionem in ipsa possessione, uel suis utilitatibus ullo unquam tempore uendicandi. Ita, ut in huiusmodi permissionis, cessionis et satisfaccionis fidem credulam, et in maioris certitudinis argumentum priuilegium eiusdem domini Regis Ladizlay prefatis Magistris Jacobo Cantori et Anyano, nomine et uice dominorum et sociorum suorum Prepositi et Capituli sepedicte Strigoniensis Ecclesie recipientibus, restituit, reddidit et coram nobis manualiter assignauit, ipsam Strigoniensem Ecclesiam, sacrosanctam martem suam, contra suam conscienciam nolens in hac sua iusticia ulterius impetere uel turbare. In cujus rey firmitatem et memoriam sempiternam presentes litteras, ad peticionem et instanciam eiusdem Comitis Erdev, Preposito et Capitulo Strigoniensis Ecclesie memorate sigilli nostri appensione dedimus communitas. Datum anno Domini millesimo ducentesimo nonagesimo septimo, tercio idus Julij.

(Az eredeti után Knauz Nándor, Magyar Sion III. köt. 946. l.)