(F)rater Paulus miseracione Diuina Abbas et Conuentus Monasterij Sancti Egidij de Symigio omnibus Christi fidelibus presentibus pariter et futuris presentes litteras inspecturis salutem in salutis amatore. Ad vniuersorum noticiam tenore presencium uolumus peruenire, quod cum Magister Andreas Notarius noster esset laborans graui infirmitate, nosque erga eundem Magistrum Andream per uocacionem suam in medio monasterij nostri, ubi ipse iacebat, personaliter fuissemus, et irter alios viros et nobiles Magister Andronicus Custos Ecclesie Albensis, et Magister Michael filius Petri de Koyzou personaliter fuissent; tandem ipse Magister Andreas, cum adhuc esset compos sue mentis, et uniuersas possessiones suas, seu bona sua disponere, seu facere testamentum se ordinasset, inter alias possessiones suas quandam vineam suam per predecessores suos olim empticiam in territorio ville Gyog filiorum Comitis Petri in loco Serpast uulgariter appellato adiacentem in quatuor iugeribus terre plantatam, in cuius quidem vinee commetaneitate seu vicinitate a parte septemtrionali vineam Thome filij Husveth, vinitoris predicti Magistri Michaelis et fratrum suorum; a partibus vero orientali, meridionali et occidentali terram arabilem seu campestrem ipse Magister Andreas dixit adiacere, de bona sua uoluntate, de consensu et beneplacito nostro ac Magistri Michaelis supradicti, qui tam pro se quam pro fratribus suis huic negocio consensum prebuit et assensum, dedit et contulit Magistro Gregorio et Walentino filijs Comitis Pauli pro debito duodecim marcarum, quibus ipsi Comiti Paulo teneri se asseruit, sibi et suis heredibus heredumque suorum successoribus perpetuo et inreuocabiliter possidere. In cuius rey memoriam et perpetuam firmitatem presentes ad peticionem eiusdem Magistri Andree dedimus litteras nostras sigillorum nostrorum munimine communitas. Datum feria secunda in quindenis Beati Michaelis Archangeli anno Domini M°CC° nonagesimo septimo.

(Eredetie bőrhártyán hártyazsinegen függő pecsét alatt; a budai k. kamarai levéltárban,)