Andreas Dei gracia Hungarie Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus quam futuris presens scriptum inspecturis salutem in eo, cui flectitur omne genu. Altitudo Diuini consilii, que in sua disposicione non fallitur, ad hoc Deus nos gubernatorem super gentes et Regna disposuit, ac esse uoluit principem plurimorum, ut oppressionibus remediaremur singulorum et - - - oculo pietatis respicere debemus personas Diuino cultui insistentes, ac illis in temporalibus tam pie prouidere - - - nobis et Regni tutamine preces valeant fundere saluatori, cum non solum arma, sed et preces iuste uiuencium tueantur Regnum et Regum dyademata. Proinde ad uniuersorum tam presencium quam futurorum uoticiam harum serie uolumus peruenire, quod religiose domine sanctimoniales de ordine Fratrum Minorum in domo nobilis domine quondam relicte Magistri Moysi in castro Budensi ante claustrum Fratrum Minorum commorantes, ad nostram accedentes presenciam exhibuerunt nobis patentes litteras nostras super facto quarundam possessionum confectas, petentes cum instancia, ut easdem litteras aprobare, ratificare et nostro dignaremur benignitate Regia priuilegio confirmare. Cuius quidem tenor talis est:

Nos Andreas D. gr. Rex Hung. stb. (következik III. Endre királynak 1293-ki okmánya, mint fentebb 76. sz. a.)

Nos igitur peticionibus dictarum sanctimonialium Regio inclinati cum fauore, predictas patentes litteras non abrasas, non cancellatas, nec in aliqua sui parte uiciatas, de uerbo ad uerbum presentibus inseri faciendo auctoritate presencium duximus confirmandas. In cuius rei memoriam et perpetuam firmitatem presentes (concessimus) dupplicis sigilli nostri munimine roboratas. Datum per manus venerabilis patris fratris Anthonii (Episcopi Chanadiensis) de ordine Fratrum Minorum aule nostre Vice-Cancellarij dilecti et fidelis nostri anno Domini M° - - - - - -

(Eredetie bőrhártyán, melynek függő pecsétje elveszett, és alsó részéből darab kiszakíttatott; közölve néhai Dr. Ötvös Ágoston által.)