Nos Comes Stephanus Viceiudex Curie domini Regis memorie commendantes significamus vniuersis quibus expedit presencium per tenorem: quod cum Comes Nycolaus filius Nycolai de genere Hunthpaznan venerabilem patrem dominum, Johannem Archiepiscopum Colocensem super quadam particula terre vsui quatuor aratrorum in terris arabilibus, siluis et pratis sufficientis in causam traxisset, et ipsa causa coram domino Rege et in presencia Viceiudicum Curie sue diu processa seu ventilata fuisset: tandem per arbitrium proborum virorum de permissione Comitis Benedicti quondam Viceiudicis Curie Regie super eadem particula terre idem Comes Nycolaus personaliter ab una parte, et ipse dominus Archiepiscopus similiter personaliter ex altera, coram eodem Comite Benedicto comparendo in talem pacis formam se dixissent deuenisse: quod eedem partes personaliter, ut premisimus, comparentes factum eiusdem terre contenciose Comiti Paulo filio Rack, officiali eiusdem domini Archiepiscopi de Ryma commisissent decidendam eo modo, quod octauo die residencie presentis exercitus predictus Comes Nycolaus pars actrix, et Comes Paulus filius Rack predictus pro eodem domino suo domino Archiepiscopo, presentibus Comite Paulo filio Irizlay homine domini Regis, et testimonio Capituli Agriensis, quos partes communiter adducerent, accederent super faciem dicte terre contenciose, et ipse Comes Paulus filius Rack inter possessionem domini Archiepiscopi Rymocha vocatam, et inter possessionem ipsius Comitis Nycolai Kechegee vocatam, inter quas ipsa contencio orta fuerat, erigeret metas iuxta scitum suum; et secundum quod eedem possessiones ipsarum parcium per ipsum Comitem Paulum filium Rack distincte fuerint, et metis separate, idem dominus Archiepiscopus et Comes Nycolaus debent esse contenti, nec unquam processu temporum litem poterunt super hoc susscitare; et quod idem Comes Nycolaus dixisset, ut super illa particula terre, quam dominus archiepiscopus a Nagpatok incipiendo usque Belapathoka uersus Rymocham cum metis separauerat, quam quidem particulam terre Comes Stephanus filius Jako, et Martinus filius Petri de genere Hunthpaznan ab eodem domino Archiepiscopo reinpediuisse dicebantur, et super aurifodinia, que in ipsa particula terre esse dicitur (így), nullam haberet accionem seu questionem. Post hec in quindenis residencie exercitus predictus Comes Nycolaus personaliter ab una parte, et predictus Comes Paulus filius Rack cum sufficientibus procuratorijs litteris pro eodem domino Archiepiscopo ab altera comparuerunt coram nobis, concorditer exhibuerunt nobis litteras eiusdem Capituli Agriensis continentes hunc tenorem:

Excellentissimo domino suo Andree stb. (következik az egri káptalannak jelentése, mint alább 204. sz. a.)

Quibus litteris Capituli Agriensis domino Regi transmissis, ut prediximus, ad plenum visis et perlectis, presentibus partibun supradictis, et in nullo continencie earundem litterarum contradicentibus, predictam terram contenciosam per ipsum Comitem Paulum filium Rack, Comite Paulo filio Irizlay homine domini Regis, et testimonio dicti Capituli se paratam a terra domini Archiepiscopi Colocensis sub metis et limitacionibus predictis per ipsum Comitem Paulum filium Rack factis se erectis reliquimus et dimisimus ipsi Comiti Nycolao, et per eum suis heredibus heredumque suorum successoribus possidendam et habendam. Datum Bude septimo die quindenarum residencie exercitus, anno Domini millesimo ducentesimo nonagesimo octauo.

(Eredetie bőrhártyán, melyről a pecsét vörös-sárga selyemzsinóron függ; a budai kir. kamarai levéltárban.)