(C)onuentus Monasterij Sancti Egidii de Simigyo omnibus Christi fidelibus tam presentibus quam futuris presentes litteras inspecturis salutem in salutis auctora. Ad vniuersorum 325noticiam tenore presencium volumus peruenire, quod Magister Salomon filius Nicolai de Darow, Stephanus et Thomas filij eiusdem, nec non vir religiosus frater Paulus Abbas et Prelatus noster, compater eiusdem Magistri Salomonis ab vna parte; Magister Stephanus filius Symonis de Gywad ex altera, coram nobis personaliter constituti; idem Magister Salomon confessus est viua uoce, quod ex consensu et uoluntate predictorum filiorum suorum quandam possessionem suam Deushyda vocatam, cum omnibus vtilitatibus suis et pertinencijs vniuersis, in die subarracionis domine filie sue nomine Anych, consortis videlicet eiusdem Magistri Stephani, dedisset, tradidisset et condonasset predicto domino Stephano sponso suo, ac domine vxori eiusdem sibi, et eorum heredibus heredumque suorum successoribus perpetuo et irreuocabiliter pacifice possidendam. Quam quidem condonacionem Prelatus noster prescriptus, presentibus ambabus partibus, affirmauit et assecurauit fuisse et fecisse eundem Magistrum Salomonem in presencia ipsius et aliorum nobilium, qui in ipsa subarracione et in contractu nupciarum presentes fuerant modo superius annotato. In cuius rei memoriam et perpetuam firmitatem ad peticionem partis vtriusque presentes dedimus litteras nostras sigilli uostri munimine communitas. Datum in quindenis Penthecostes anno Domini millesimo CC° nonagesimo octauo. Viro religioso Prelato nostro prenotato, Alexandre Decauo, Petro Custode, Nicolao Cantore, Jobanne celerario, ceterisque fratribus ibidem existentibus.

(A székesfehérvári káptalannak „ Bartholomeus de Twl famulus nobilis domine filie Johannis filij Dominici de Oztupan, neptis videlicet Salomonis do Darow, consortisque Magistri Petri de Gereli, vice et nomine eiusdem domine” kérésére 1365. „ secundo die festi Natiuitatis Beate Virginis” kiadott átiratból; a budai kir. kamarai levéltárban.)