Nos Rolandus Judex Aule Regie significamus omnibus, quod Thoma filio Osl Comitis ab una parte, et Benedicto filio Osl iunioris ex altera constitutis coram nobis, presentibus eciam quibusdam cognatis eorum; Benedictus nominatus confessus est, terciam partem terre de Zeploc cum suis pertinencijs et utilitatibus, que sui iuris erant dicto Thome pro quinquaginta marcis argenti vendidisse perpetuo iure possidendam; et cum idem Benedictus Balduino Comiti filio Jule Comitis, in debito quinquaginta marcarum fuisset obligatus, dictas quinquaginta marcas, quas a Thoma erat recepturus pro tercia supradicte terre, Balduino Comiti pro debito suo assignauit coram nobis ab eodem Thoma recepiendas. Et huic facto Balduinus Comes personaliter astans consensit, habens Benedictum supradictum a debito quinquaginta marcarum, quo sibi tenebatur, penitus expeditum. Partes autem huius vendicionis et empcionis seriem processu temporis violare precauentes, presentes litteras a nobis sibi concedi postularunt propter memoriam rei in nostra geste presencia. Datum Budude (így) in festo Apostolorum Sy(monis) et Jude.

(Eredetie bőrhártyán, a sárga selyemzsinóron függött pecsét elveszett; a budai kir. kamarai levéltárban.)