Bonifacius Episcopus servus servorum Dei venerabili fratri... Archiepiscopo Jadrensi, salutem et Apostolicam benedictionem. Exposuit nobis tua fraternitasi quod nonnulli Prelati ecclesiasticeque persone, regulares et seculares, tue Civitatis et Diocesis in reparatione murorum Civitatis eiusdem, qui olim destructi fuerant, de proventibus et bonis ecclesiasticis sub adiutorii vel doni nomine officialibus et aliis laicis dicte Civitatis certas persolverunt pecunie quantitates, iidemque 338officiales et laici exegerunt et receperunt dictas quantitates pecunie ab eisdem; ac nichilominus Universitas Civitatis eiusdem culpabilis extitit in premissis, contra constitutionem nostram super hoc editam temere veniendo. Propter quod iidem Prelati, ecclesiastice persone, officiales et laici excommunicationis, dictaque Universitas interdicti sententias iuxta tenorem constitutionis huiusmodi incurrerunt, ac dicti Prelati et persone ecclesiastice non abstinendo postmodum a Divinis, notam irregularitatis contraxisse noscuntur. Quare nobis humiliter supplicasti, ut eorum providere saluti misericorditer curaremus. Nos itaque tuis supplicationibus inclinati, absolvendi huiusmodi excommunicatos ab eadem excommunicationis sentencia, et interdictum huiusmodi iuxta formam Ecclesie relaxandi, et dispensandi hac vice cum talibus, dummodo in in contemptum Clavium non immiscuerunt se Divinis, super irregularitate, quam exinde contraxerunt, plenam tibi auctotate presentium concedimus facultatem, iniunctis eis propter hoc, quod de Jure fuerit iniungendum. Datum Anagnie V. nonas Julii, Ponticatus nostri anno quinto.

(Theiner, Vetera Monumenta Slavorum Meridionalium historiam illustrantia II köt. 117. l.)