A B C

Capitulum Ecclesie Bachiensis omnibus Christi fidelibus presentes litteras inspecturis salutem in omnium saluatore. Ad vniuersorum noticiam harum serie uolumus peruenire, quod constituti coram nobis Magister Paulus filius Thome filij Petri ab una parte, Comes Dyonisius filius Luchardi, et Mortunus filius Endree Bani ex altera; idem Magister Paulus quandam terram Ecclesie Dyanisij et Mortunus predictorum in honore Sancti Regis Stephani ultra fluuium Boza fundate Meze nominatam, ab ista parte ipsius fluuij Boza existentem, ubi est portus super ipso fluuio Boza tendens uersus ecclesiam supradictam, ac quoddam forum Cheturtekhel uocatum; quam terram et forum prefati Magister Thomas aduc eo uiuente, et 344Paulus filius eiusdem sub nomine sui iuris a sepedictis Dyonisio et Mortunus requirebant, idem Paulus sciens et cognoscens ipsam terram et forum ipsorum Dyonisij et Mortunus esse hereditarias, eisdem dimisit et reliquit iure perpetuo in filios filiorum possidendas. In cuius rei memoriam et perpetuam firmitatem ad peticionem parcium presentes litteras nostras concessimus sigilli nortri priuilegialis (munimine) roboratas, et alphabeto intercisas. Datum anno Domini M°CC° nonagesimo nono. Dyonisio Preposito, Laurencio Lectore, Jacobo Cantore-Sebastiano Bachiensi, Nicolao Syrmiensi Archidiaconis, Michaele Custode, Johanne Zeguediensi Archidiacono Emrico Decano, ceterisque Deo famulantibus iugiter et deuote.

(Eredetie bőrhártyán, a zöld-fehér selyemzsinóron függött pecsét elveszett; a budai kir. kamarai levéltárban.)