Datum pro memoria, quod eum nos iuxta continenciam litterarum domini Regis memorialium cum Magistro Georgio ciue Budensi ex una parte, et Comite Michaele, ac Magistro Stephano filio eiusdem ex altera, misissemus ex nobis virum discretum et honestum (Petrum) Archidiaconum de Kemey, coram quo predicte par tes in tribus possessionibus eorum Felnempti, Kuzepnempti et Olnempti vocatis, inxta fluuium Harnad in villa Aba Wyuar existentibus, in quindenis Beati Georgij martiris diuisionem facerent; ijdem Petrus Archidiaconus inde ad nos reuersus nobis taliter recitauit: quod predicte partes in eisdem quindenis ipso presente in premissis tribus possessionibus suis communi consensu et pari voluntate talem inter se fecisseut diuisionem: Quod ipsam possessionem Felnempty in duas partes equales diuisissent; ex quibus vna pars existens a parte occidentali predictis Comiti Michaeli, et Magistro Stephano, ac suis heredibus perpetuo cessisset possidenda et habenda, reliqua alia parte sita a parte orientali eidem Magistro Georgio, prout fluuius scindit, et suis heredibus remanente similiter perpetuo possidenda. Item prefatam possessionem Kezepnempty similiter in duas partes equales diuisissent, ex quibus vna pars sita a parte orientali eidem Magistro Georgio et suis heredibus vsque ad curiam Egidij filij Stephani, reliqua alia pars existens a parte occidentali dictis Comiti Michaeli et Magistro Stephano ac suis heredibus perpetuo possidende cessissent et habende. Item terciam et vltimam possessionem ipsorum Olnempty vocatam vsque ad terciam reuolucionem ipsarum quindenarum Beati Georgij martiris communiter habendam et possidendam propter nouum aduentum hospitum sibi dimisissent. 352Patronatus vero Ecclesie Parochialis, scilicet Beati Jacobi Apostoli, eisdem communiter habendus remansisset et tenendus. Preterea vniuersas vtilitates premissarum possessionum omnium, tam in vineis, quam in siluis, aquis et pratis, nec non in alijs, tam sibi, quam omnibus ad eosdem pertinentibus, ab eisdem quindenis vsque ad terciam reuolucionem earundem communiter percipiendas dimisissent. Adueniente uero ipsa tercia reuolucione anni quecunque ipsarum parcium predictam diuisionem reuocaret, volens certis metis tam predictas possessiones, quam vtilitates earundem ab inuicem separare: pars altera consentire, et metis distingere teneretur possessiones et vtilitates earum prenotatas. Ceterum se partes ad hoc obligassent, quod quecunque ipsarum (a dic)ta forma diuisionis reailiret, ante litis ingressum parti aduerse centum marcas, prout in litteris Regalibus se ad hoc obligarunt, soluere teneretur. Item se partes similiter presente Petro Archidiacono ad hoc obligassent, quod quecunque ipsarum racione predictarum possessionem per quempiam ab aliquo impeteretur; se vicissim contra quaslibet defendere et expedire tenerentur pariter in laboribus et expensis. Datum in vicesima secunda die Beati Georgij martiris anno Domini millesimo ducentesimo nonagesimo nono.

(Az egri káptalannak 1346-ki átiratából; mely Zsigmond királynak „ Bude feria secunda proxima post festum Pasce Domini” 1401. „ Magnificus vir Magister Petrus filius Symonis de Peren Banus noster Machouionsis, et Comes Siculorum nostrorum” kérésére kiadott parancsának folytán, az egri káptalan által 1401. „ in quindenis Pasce” ismét átiratott; a mélt. b. Perényi család levéltárában.)