A B C

Capitulum Jauriensis Ecclesie omnibus Christi fidelibus presentes litteras inspecturis salutem in Domino sempiternam. Ad uniuersorum noticiam harum serie uolumus peruenire; quod Karapa filio Comitis Sebredi de Zantho pro se et Sedelino ac Farkasio fratribus suis ab una parte, Symone et Michaele Comitibus filijs Comitis Symonis de Morthun ex altera coram nobis personaliter constitutis; idem Karapa suo et predictorum fratrum suorum nomine quandam possessionem suam Buguzlo uocatam in Comitatu Supruniensi existentem, quam uidelicet possessionem ex collacione seu munificencia quondam domini Bele illustris et felicis recordacionis Regis Hungarie ad prefatum patrem suum mediante priuilegio eiusdem domini Regis deuenisse referebat, quantum ipsos contingit, eum omnibus utilitatibus et terminis in priuilegio dicti domini Bele illustris et felicis recordacionis Regis Hungarie contentis, confessus est uendidisse se et fratres suos predictos dictis Symoni et Michaeli Comitibus, ac heredibus eorum pro quinquaginta marcis latorum denariorum; quas quidem marcas asseruit idem Karapa, se et predictos fratres suos plenarie recepisse ab eisdem. In cuius rei memoriam et perpetuam firmitatem presentes concessimus litteras nostro sigillo roboratas. Datum anno Domini M°CC° nonagesimo nono. Magistr s Carachyno Preposito, Mathya Lectore, Fabiano Cantore, Stephano Custode Ecclesie nostre existentibus.

(Eredetie bőrhártyán, a vörös-zöld-kék selyemzsinóron függött pecsét elveszett; a budai kir. kamarai levéltárban.)