(N)os Comes Stephanus Vicejudex Curie domini Regis memorie commendantes significamus vniuersis quibus expedit, quod cum Mark filius Lamperti in vndecim judicijs contra Magistrum Johannem filium Zodouch iuxta formam litterarum nostrarum judicialium et aliorum Judicum conuictus fuisset, et racione ipsorum judiciorum et facta (így) principali idem Magister Johannes primo et principaliter in possessionem eiusdem Mark Tulman uocatam legittime transmissus, ipsa prima introduccione presente testimonio Conuentus Waradiensis facta ad Regiam Presenciam seu nostram non venit, neque misit; sed Comes Rozboyd filius Lamperti, frater videlicet eiusdem Mark, eodem Magistro Johanne coram nobis personaliter comparente interueniens asseruit, quod introduccionem possessionis Tulman nomine porcionis eiusdem prohiberet, et in nostri presencia prohibuerat, eo quod idem Mark in ipsa possessione Tulman nullam haberet porcionem, sed esset sua, per modum diuisionis mediantibus litteris Capituli de Posoga ad ipsum deuoluta, assumpmendo personaliter litteras Capituli de Posoga super facto ipsius diuisionis inter eos processas exhibere. Qui in termino assumpto, et postmodum in alijs terminis, presentibus testimonijs Quinqueecclesiensis et Boznensis Capitulorum per Magistrum Stephanum de Gara hominem domini Regis uerbo Regio uocatus ad Regiam Presenciam, seu nostram, tanquam Vicejudicis Curie Regie ad exhibendum ipsas litteras non venit, nec misit; et ob hoc in exhibicione ipsarum litterarum conuictus extitit Comes Rozboyod supradictus. Et quia idem Mark facta prima introduccione ad Regiam Presenciam uenire neglexit, sicut premissum est, et dictus Comes Rozboyd in exhibicione ipsarum litterarum conuictus extitit; pro eo idem Magister in eandem 383possessionem Tulman, et aliam possessionem eiusdem Mark Lanka uocatam, racione facti principalis et judiciorum predictorum, secundo et tercio fuerat introductus; sicut premissa omnia et singula premissorum in litteris judicialibus Capitulorum Quinqueecclesiensis et Boznensis, ac Conuentus Waradiensis vidimus plenius contineri. Exhibuit eciam idem Magister Johannes quasdam litteras nostras; in quibus comperimus, quod Thomas filius Cosme pro Comite Rozboyd domino suo exhibuisset citatorias litteras Capituli Sancti Petri de Posoga continentes hunc tenorem:

Excellenti domine sue Th. matri Andree D. gr. Illustris Regis Hungarie stb. (következik a pozségai káptalannak jelentése mint alább 263. sz. a.)

Et quia in predictis litteris citacio illicita et inlegittima continebatur; eo quod plures homines citari fecerat, quorum nomina litteris citacionis domine Ducisse non erant inserta, et terminus indebitus et contra Regni consuetudinem erat assignatus: eundem Comitem Rozboyd in facto dicte illicite citacionis et sex judiciorum, in quibus judicijs idem Comes Rozboyd contra Magistrum Johannem est conuictus, et ad plures terminos ad emendandum se in hoc facto legittime ad Regiam Presenciam fecimus euocarli; qui semel et secundo uerbo Regio citatus, et per introducciones in porciones possessionum suarum Tulman et Lanka uocatarum compulsus, proclamacione eciam publice facta ad presenciam domini Regis seu nostram tanquam Vicejudicis Curie sue, et eciam super facto principali, dampno videlicet triginta marcarum ipsi Magistro Johanni in ablacione equorum et aliarum rerum suarum irrogato, venire contumaciter non curauit. Et cum super premisso facto juris ordine deciesionem (így) facere voluissemns, predictus Comes Rozboyd veniens personaliter, voluit scire, ubi ipse citatus fuerit, et eciam proclamatus; dicens, quod eadem possessio Tulman a pluribus annis per factum Magistri Johannis esset desolata, et quod de citacione et proclamacione sibi non constaret; exhibens iuter cetera idem Magister Johannes in instanti litteras Capituli Quinqueecclesiensis domino Regi transmissas, in quibus per nos fuit compertum; quod Johannes filius Bernalch de genere Durusma, qui uice Magistri Stephani de Garaa de eadem generacione 384Dorusma cognati sui pro homine domini Regis fuerat deputatus, presente Magistro Nicolao Canonico Ecclesie Sancti Johannis de Quinqueecclesijs testimonio ipsius Capituli Quinqueeeclesiensis sabbato post Circumcisionem Domini anno eiusdem M°CC° nonagesimo nono accedentes in uillam Rozboyd predicti Tulman antedictam, vbi reperiendo Dyonisium filium Mortun Tulmani dictum, patrvelem fratrem dicti Rozboyd, cui Dyonisio et populis de eadem uilla, iobagionibus eiusdem Rozboyd commorantibus in una curia sub vna porta dixisset uerbo Regio, ut in quindenis predicti sabbati diei idem Rozboyd ad premissa in persona propria et non per procuratorem suum, coram domino Rege compareret. Et quia idem Rozboyd eosdem homines, in qui ipsa curia in villa Tulman commorari dicebantur, non dicebat esse jobagiones suos; per nos partibus assumpmentibus decretum extiterat, ut in octauis Purificacionis Beate Virginis eedem partes accederent super faciem eiusdem possessionis Tulman; et idem Magister Johannes deberet illut adducere predictum Johannem filium Bernalch tunc loco hominis domini Regis deputatum, et ipsum Magistrum Nicolaum per Capitulum Quinqueecclesiense in testimonium assignatum; et ipsi Johannes filius Bernalch, ac Magister Nicolaus, ostenderent predictam curiam sub una porta existentem, presentibus Dominico filio Wirizlow homine domini Regis, et testimonio Capituli Sancti Petri de Posoga, quos idem Rozboyd adducere assumpserat; et homo domini Regis per ipsum Comitem Rozboyd adductus presente testimonio Capituli de Posoga uideret et inspiceret, si predicta curia sit illa eadem, que in litteris ipsius Capituli Quinqueecclesiensis continetur, et populi in eadem commorantes sint Rozboyd sepedicti nec ne; et secundum quod de hys omnibus ueritas constat, predictus Magister Johannes negocium suum in litteris Capituli Quinqueecclesiensis, predictus vero Rozboyd in litteris Capituli de Posoga reportarent. Et in termino ad hoc per partes assumpto idem Comes Rozboyd non venit, nec misit; predictus vero Magister Johannes exhibuit nobis litteras Conuentus Waradiensis in hec verba.

Excellentissimo domino suo Andree D. gr. Inclito Regi Vngarie stb. (következik a pécsváradi konventnek jelentése mint alább 270. sz. a.)

385Verum quia predictus Mark pluries citatus, et per introducciones possessionis sue legittime factas et publice proclamatas; item quia predictus Comes Rozboyd super facto diuisionis possessionum suarum litteras Capituli de Posoga exhibere, et super indebita citacione emendare se in pluribus terminis assumptis et legittime assignatis contumaciter non curauit, et in predicta citacione illicita, indebita, inlegittima omnia contra consuetudinem Regni approbatam facta, non comparendo, nec mittendo, et in omnibus alijs articulis premissis modo prehabito penitus defecit: nos nemini in suo iure desse (így) volentes, vna cum Thoma filio Andree Comite Nitriensi et Borsiensi, Magistro Nicolao Preposito Boznensi Comite Capelle et Secretario domini Andree Illustris Regis Vngarie domini nostri, Magistro Farcasio filio Folkus, Comte Erdew filio Sebreth, et alijs nobilibus Regni per dominum Regem ad expediendum ipsum negocium specialiter deputatis, uisis et perlectis omnibus litteris super eisdem causis processis et confectis: ipsum Mark in facto principali, videlicet in destruccione ville ipsius Magistri Johannis Karachna uocate in uigilia Beati Laurencij martiris quatuor annis iam elapsis irrogata, dampno sexaginta marcarum in ablacione equorum et aliorum animalium, super quibus idem Magister Johannes contra eundem Mark se dicebat habere accionem propter negligenciam et contumaciam suam; item predictum Comitem Rozboyd in non exhibicione litterarum super facto diuisionis possessionum suarum, et propter falsam citacionem, iniquam, indebitam, et contra consuetudinem approbatam Regni factam, et eciam facto principali eiusdem superius expresso, decreuimus fore eonuictos. Et predictas possessiones Tulman et Lanka uocatas Comitis Rozboyd et Mark predictorum, cum earundem vtilitatibus et pertinencijs vniuersis pro centum et quinquaginta marcis sub testimonio Capituli Quinqueecclesiensis estimatas, in duabus partibus nobis tamquam judici, in tercia uero parte eidem Magistro Johanni parti aduerse reliquimus, statuimus et dimisimus perpetuo possidendas et habendas; et idem Magister Johannes porcionem nostram de ipsis possessionibus a nobis redemit nobis satisfaciendo de eisdem. Mete autem predictarum terrarum, sicut in litteris Capituli Quinqueecclesiensis contineri uidimus, hoc ordine distinguntur: Incipiendo 386scilicet in fluuio, et a fluuio Wolkow uocato ab antiquo portu eiusdem fluuij, per quem quidem fluuium Volkov uocatum in commetaneitate terrarum Dyonisij filij Mortun eciam Tulman uocatarum per cursum eiusdem fluuij descendit ad partem orientalem, exigitque (így) ab eodem fluuio ad partem meridionalem ad duas metas terreas angulares, in quibus sunt arbores ilycum, ubi commetaneitas terrarum predicti Dionisij terminatur, et incipit tenere commetaneitatem cum terra Lugrech filij Logreth de genere Zenthemaguch; abhinc declinat ad partem meridionalem per arbores consignatas ferro; et transeundo unam viam magnam venitur ad quamdam magnam arborem ilycem crucibus consignatam, terrisue cumulatam; abinde per quamdam magnam viam antiquam deuenit ad partem orientalem, et uenitur ad biuium prope villam eiusdem Logrech (így) Bechefolua vocatam; adhuc per eandem viam vadit ad tres metas terreas angulares, quarum una separat eidem Lograch (így), secunda separat filijs Dominici de genere Zenthemaguch, tercia separat supradicte possessioni Lanka vocate, vbi commetaneitas terrarum predicti Logrech (így) terminatur, et incipit tenere commetaneitatem cum terra filiorum predicti Dominici; itaque procedit ad eandem partem meridionalem ad vnam arborem piri wlgo Rozboyd kurthuele dictam existentem iuxta fluuium Wolkov supradictum, ubi commetaneitas terrarum filiorum Dominici terminatur, et incipit tenere commetaneitatem cum terra Demetrij de genere Zenthemaguch; deinde cadendo in aquam Wolkov per cursum eiusdem aque vaditur in magno spacio, et pernenitur ad illum locum, in quo quidem loco hyc fluuius Wlkou (így) recipit in se alterum fluuium Lazar uocatum; siquidem vbi transito fluuio Wolkow (igy) sepedicto intrat in alterum fluuium iam dictum Lazar uocatum, et uadit contra cursum huius fluuij, et peruenitur ad tres metas angulares terreas, quarum vna separat Demetrio antedicto, secunda separat Cruciferis de Dapza, tercia separat terre Tulman sepedicte, vbi commetaneitas terrarum dicti Demetrij terminatur, et incipit tenere commetaneitatem cum terris Cruciferorum predictorum; itaque per eandem aquam Lazar vocatam uadit usque dum peruenit ad alteram aquam Karagh dictam, vbi commes taneitas terrarum Cruciferorum predictorum de Dopza (így) 387terminatur, et incipit tenere commetaneitatem cum terris Magistri Laurencij et fratrum suorum filiorum Magistri Philpus Korogh uocatis; abinde diuertit ad partem septemtrionalem, et eundo per prata fluuij predicti Korogh uocati, in magno spacio eundo in hoc prato contingit terris filiorum Ehnee, exeundoque ab eodem prato in commetaneitate eorundem filiorum Ehnee uadit ad angulum cuiusdam silue filiorum Ehnee ligueth vocate, vbi sunt tres arbores ilyce (igy) magne crucibus consignate ferro vice metarum; ubi uertit ad partem meridionalem, et per quandam magnam viam uenitur ad quandam aquam ex inundacione pluuialis aque se stagnantem wlgo Zelezpotok dictam; quam quidem aquam transit, et in commetaneitate terrarum supradicti Dionisij itur ad quandam magnam viam memoratam; intrans in villam Tulman uocatam, in qua est ecclesia in honore Sancti Michaelis Archangeli, que quidem ecclesia sequatur (igy) per medium, et per eandem viam vadit ad finem uille Tulman vocate, ubi est magna meta terrea; exhinc proceditur ad superius memoratum portum autiquum sepedicti fluuij Wolkow vocati, sicque terminatur. Datum Bude septimo die Beati Georgij martiris anno Domini M°CCC°.

(III. Endre királynak 1300-ki megerősítő okmányából, mint fentebb 245. szám alatt.)