Nos Comes St. Vicejudex Curie domini Regis damus pro memoria, quod in causa, quam Comes Bacha filius Mark de Almag personaliter astans contra Comitem Nicolaum fratrem Botyz similiter personaliter comparentem, super facto 388terre Bachka habebat coram nobis, per arbitrium proborum uirorum de nostra permissione in talem pacis formam se dixerunt deuenisse: quod idem Comes Bacha porcionem terre de ipsa terra Bachka, quam ipse Comes Nicolaus in eadem habuisse dinoscebatur, et eciam suam porcionem propriam terre de eadem, quam ex collacione Baan filij Garwasij soceri sui possidebat, reliquit eidem Comiti Nicolao perpetuo possidendas eo modo; quod pro porcione terre eiusdem Comitis Bacha predictus Comes Nicolaus vnam peciam panni de dorni pro tribus marcis et fertone in quindenis Pentecostes proxime uenturis dare eidem Comiti Bacha, et tres marcas in argento mercimoniali minus fertone iu octauis Natiuitatis Beati Johannis Baptiste soluere tenebitur coram Capitulo Agriensi, tali pena interiecta; quod si quemlibet ipsorum terminorum pretermiserit in soluendo, extunc porcio terre eiusdem Comitis Bacha sibi ipsi remanebit perpetuo possidenda, nec prefatus Comes Nicolaus super ipsa porcione terre ipsum Comitem Bacham de cetero poterit molestare. Preterea in die prime solucionis dictus Comes Bacha priuilegium Vicepalatini Bude residentis et Capituli Agriensis, quibus mediantibus porcio terre ipsius Comitis Nicolai de Bachka ad ipsum deuoluta fuerat, et uniuersas litteras super ipsa causa processas, et in die vltime solucionis priuilegium Regis St., quo mediante idem Comes Bacha porcionem terre sue de eadem possidebat, debet reddere coram eodem Capitulo Agriensi Comiti Nicolao supradicto, et priuilegio eiusdem Capituli resignacionem porcionum ipsarum terrarum eidem Comiti Nicolao confirmare. Nos tanquam judicem in toto predictus Comes Nycolaus placare assumpsit. Nec hoc pretermittimus; quod si quas litteras idem Comes Bacha super hoc facto in fraudem reseruaret, casse sint penitus et inanes. Datum Bude feria tercia proxima ante festum Ascensionis Domini anno eiusdem M°CCC°.

Kívül: Pro Comite Nicolao fratre Batyz contra Comitem Bacham filium Mark.

(Eredetie bőrhártyán, a zárpecsét elveszett; a budai kir. kamarai levéltárban.)