Nos N. Palatinus Comes Posoniensis et Judex Cumanorum damus pro memoria, quod Mog filius Doncus, et alter Mog filius Damsa, Andreas et Symun filij Symun de Ayka, coram nobis personaliter comparendo contra Petrum, Chelleum, Band, Andream, Johannem, Glyanus, Bolta, Paulum, Saulum, Brantam, Mathey, Preucul et Feldrech de eadem, pro se et cognatis suis ibidem astantes in figura Judicij egerunt in hunc modum: Quod ijdem Petrus, Chelleus et socij eorum iam dicti ipsos de porcione terre eorum ipsos contingenti eiecissent ad quandam minimam particulam terre, terram et porcionem terre sue inter ipsos ijdem Petrus et Chelleus et socij eorum diuidendo in ipsorum preiudicium et grauamen. Contra quos predicti Petrus, Chelleus et socij eorum responderunt, quod terra eorum ab olim unicuique equa diuisione mediante esset separata et distincta instrumentis Capituli Vesprimiensis et alijs mediantibus. Cum autem predictum Mog et socios suos requisiuissemus, si ipsi haberent super ipsa diuisione instrumentum seu privilegium; dixerunt se non habere. Ad hec cum eciam requisissemus Mog et socios suos predictos, quantum de terra Ayka repeterent 422nomine sui iuris; dixerunt, quod Ayka attauus generacionis partis utriusque habuisset tres filios; et unus sine herede decessisset; et de linea unius filij essent procreati Mog et societas eiusdem; de alterius autem linea procreati fuissent Petrus, Chelleus, et societas eorundem. Sic autem partibus respondentibus decreuimus, quod in octauis Sancti Nicolai confessoris instrumenta predicta exibeant corum nobis; quibus visis decernemus inter partes prout postulat ordo iuris. Nec hoc pretermittimus, quod eciam in eisdem octauis Sancti Nicolai satisfacient predicti Petrus, Chelleus, de iudicijs decem et octo hominum, in quibus iuxta continenciam Judicis Curie domini Regis nobis exibitarum, quas nos anulo sigillauimus, sunt conuicti. Datum in Moruchel in festo Beati Galli. Eodem in die super terra acquisiticia Mog supradicti decernemus.

Kívül: Pro Mog et alijs contra Petrum et alios.

(Eredetie bőrhártyán, melynek hátára oldalvást a pecsét volt nyomva, de már lemállott. Közölte Thaly Kálmán.)