Nos Paulus Banus significamus uniuersis presencium per tenorem: quod quia Nicolaus frater noster karissimus a primis puericie sue temporibus specialius et deuocius omnibus alijs fratribus nostris nobis in diuersis negocijs nostris et agendis fideliter seruiendo, iuxta libitum nostre uoluntatia preceptum nostrum cum omni reuerencia adinplere procurauit; eundem Nicolaum fratrem nostrum recepimus in filium adoptiuum, et omnes possessiones nostras emticias et aquisitas seu quocunque titulo habitas, et specialiter castrum nostrum Solumus uocatum, ex proprijs prouentibus possessionum nostrarum constructum, dedimus et reliquimus eidem Nycolao fratri nostro karissimo pleno iure. Volentes, quod nullus ex nostris fratribus, generibus seu nepotibus, nec non et cognatis, racione predictarum possessionum possit uel debeat molestare aut aliqualiter perturbare Nycolaum fratrem nostrum supradictum.

(Eredetie bőrhártyán, melyről a pecsétnek töredéke zöld selyemzsinóron függ; a budai kir. kamarai levéltárban.)