Nos Capitulum Quinqueecclesiensis Ecclesie memorie commendamus, quod nos receptis litteris domini Regis ad mandatum eiusdem discretum uirum Magistrum Nicolaum de Nempthy concanonicum nostrum ad Magistrum Kemen Comitem de Barana et ad quatuor Judices Nobilium eiusdem Comitatus duximus transmittendum, ut ipse patentes litteras domini Andree Regis super eo, quod dominus Rex Magistrum Corrardum, et filium suum Comitem Jacobum, officiales, seruientes, et iobagiones eorundem ab iurisdiccione seu a iudicio Comitis de Barana exemerit excipiendo confectas; item aliud par litterarum recolende recordacionis domini Ladizlai Regis sub eodem tenore confectarum exiberet eisdem; idemque socius noster ad nos rediens nobis dixit, quod ipse in festo Sancti Galli confessoris predictas litteras dominorum illustrium Regum Hungarie exibuit predicto Magistro Kemen Comiti de Barana, quas quidem litteras ipse Magister Kemen respondit reuecenter; quod in hys et in omnibus mandatis 434domini Regis parere et obedire esset paratus; sed sicut dicit officialis suus Vicecomes de Barana, quod coram ipso Magister Corrardus uel sui iudicialiter legittime remansissent; equidem iudicia Comes de Barana uel ipse, uel officialis suus, secundum consuetudinem Regni legitimam reciperet a quolibet iusticia mediante. Datum tercio die festiuitatis Sancti Galli confessoris.

Kívül: Pro Magistro Corrardo et filio suo Comite Jacobo.

(Eredetie bőrhártyán, a kivül oda nyomott pecsétnek csak nyoma látszik már; a m. b. Révay család levéltárában.)