Nos Capitulum Ecclesie Sancti Michaelis Archangeli de Castro Ferreo damus pro memoria, quod cum secundum continenciam litterarum Magistri Pauli Judicis Curie domini Regis, Nicolaus filius Kemyn de genere Jak in octauis medij XL-me possessionem suam per eundem Kemyn patrem suum obligatam ab Andrea et Jacobo filijs Renoldj ac Mychaele filio Jak coram nobis redimere debuisset, adueniente ipso termino ad redempcionem eiusdem possessionis, videlicet tercie partis Nykt vocate Andree et Jacobo filijs Renoldi mediam marcam, Michaeli uero filio Jak vnum fertonem exsoluit et redemit coram nobis; et idem Andreas et Jacobus filij Renoldi, ac Michael filius Jaak ex parte ipsorum renunciarunt et restituerunt. Datum feria secunda proxima post Dominicam Judica anno Domini M°CC° - -

(Eredetie bőrhártyán, a nemz. muzeum kézirattárában.)