Excellentissimo domino suo Andree Dei gracia Illustri Regi Vngarie frater G. Prior totusque Conuentus Cruciferorum de Calidis Aquis oracionum suffragia debitarum. Recepimus litteras Vestre Serenitatis honore quo decuit, hunc tenorem continentes:

Andreas D. gr. Rex Vngarie stb. Priori et Conuentui Cruciferorum de Calidis Aquis stb. (következik III. Endre királynak parancsa, mint fentebb 280. sz. a.)

Nos igitur mandato Vestre Serenitatis obedire cupientes ut tenemur, cum dicto homine vestro Magistrum Laurencium clericum chori nostri hominem nostrum misimus ad premissa exsequenda; qui quidem homo vester postmodum ad nos reuersus, presente nostro testimonio, nobis dixit: quod in festo Ascensionis Domini iam elapso accessissent ad faciem dicte terre contenciose Zaych vocate, contigue inmediate terre Toxun, ut dixerunt, et Nicolaus filius Nicolay de Nywegh, vicinus et commetaneus terre contenciose antedicte, Comes Kulus, Paulus Barbatus, Herbordus, Comes Haragus de iuxta Magna Insula, Dyonisius de Byol; item Benedictus (et) Gregorius filij Rada, Comes Thomas Senex, Briccius de Rada; Dama (et) Johannes filij Bana; Andreas et Oltuda de Zodok, ducti per Job et Paulum predictos, dixissent, quod sepe dicta terra Zaych sit in vicinitate terre Toxun, et fuerit hereditaria terra Job et Pauli filiorum Rywg sepedictorum Preterea Paulus et Nicolaus Comites, officiales sororum de Insula Beate Virginis, adduxissent Buza villicum de Villa Sancti Dyonisi, qui tam pro se, quam pro domino suo Magistro Georgio cum decem conuillanis suis; item villicum de villa Zelevs cum tribus convillanis suis; item Johannem villicum de Villa Sancti Nicolay de Magna Insula cum septem hominibus; item Comitem Andream et Swze de Magna Insula; item Petrum et Alexandrum de Tawarnuk commetaneos dicte terre Zaych, quem quidem Alexandrum in dicta villa Toxun nunc digerunt residere; item Laurencium, Moys ac Kemyn filios Chepani; Comitem Marcellum dictum Bur; item Chak Banum, Bethleem, Benceem, Mykocham de Cholka; qui singulariter et singillatim asseruissent concorditer; quod dicta terra Zaych, racione cuius contenditur inter partes, fuisset terra Zulgagewrij, et a triginta annis uel paulo plus fuisset et esset terra Beate Virginis de Insula, et nunquam fuisset terra hereditaria Job et Pauli prefatorum. Datum feria secunda proxima post festum Ascensionis Domini.

(Eredetie bőrhártyán, a zárpecsét elveszett a budai kir. kamarai levéltárban.)