Nos St. Diuina miseracione Abbas de Chikador et Conuentus eiusdem loci memorie commendantes significamus, quod super causa, quam Magister Gorrardus (így) vnacum domino Abbate Varadiensi et Conuentu eiusdem habebat taliter concordauerint cum eodem: quod ipsam causam pari uoluntate commiserint arbitrio Comitis Nicolay filij Nicolay Sinistri, item Egidij filij Petri, et Magistri Gyl de communi assumptorum; qui quidem in octauis Pentecosten coram Conuentu nostro arbitrabuntur inter ipsos; et quicquid per eosdem arbitros Magistro Gorrardo ex parte domini Abbatis et Conuentus arbitrium fuerit, libenter acceptabit. Item coram nobis Bartholomeus pro domino Abbate et Conuentu Waradiensi, et Martun de Leles pro Magistro Gorrardo vnanimiter retulerunt viua voce, quod in negocio domini Regis pariter sunt occupati, et ad octauas Pentecosten non peterunt comparere; vnde causam prefatam cum voluntate parcium prorogarunt ad octauas Assumcionis Beate Virginis coram nobis comparendi. Die adueniente G. cum suis arbitratoribus, Egidio scilicet filio Petri, et Magistro Gyl, comparuit coram nobis, et legittime expectauit secundum iusticiam Regni approbatam; qui dominus Abbas Varadiensis cum suis non comparuit, nec hominem aliquem misit pro se responsurum.

Kivül: Pro Magistro Gorardo contra Abbatem et Conventum Varadiensem.

(Eredetie bőrhártyán, a kivül oda nyomott pecsétnek csak nyoma látszik már; a m. báró Révay család levéltárában.)