Excellentissimo domino eorum Andree Dei gracia illustri Regi Ungarie, Judex et vniuersi hospites de Castro Budensi inclinacionem cum perpetua fidelitate. Cum Magister Stephanus et Paulus filij Comitis Mykael filij Vbul ab eorum temporibus puericie continue fidelitatis absequia impenderint pro fauore Regio diuersis casibus fortune se submittendo, et pro eo, quod infidelibus actibus noluerunt adherere, per inimicos eorundem diuersis malis operibus apud Vestram Excellentiam accusantur, vt eorum fidelitas valeat subplantari; quare Vestram Magnitudinem imploramus pro eysdem, quatenus verba inimicorum prefatorum filiorum Mykaelis exaudire non velitis, ymo eorum fidelitas exhibita transeat in exemplum aliorum, ut et alij studeant simili feruore Corone Regie famulari.

(Eredetie bőrhártyán, a pécsi püspöki könyvtár kézirati gyüjteményében.)