Buzadinus Magister filius Buzad Bani, Chac Comes, Eristuanus, Lanceret, Yven, et omnes alij fratres eorum tam maiores quam minores, omnibus, ad quos littere presentes peruenerint, salutem in eo, qui est salus omnium. Significamus omnibus presentes litteras inspecturis: quod Magister Michael presentibus nobis, sub testimonio Episcopi Wesprimiensis, Comitis Hoholdi, et omnium cognacionum nostrarum, ab omni controuersia, inpeticione, solucione et restitucione sernorum et ancillarum, que super facto predij de Scemena inter ipsum Magistrum Michaelem vertebatur ex una parte, et Acus, Nicolaum et Dionisium ex altera, omnino est liberatus, et absolutus, et iam dictum predium Scemena superius nominatum Magistro Michaeli integraliter restitutum, sibi et suis heredibus in perpetuum possidendum, et hoc cum litteris testimonialibus Episcopi Wesprimiensis confirmatum. Et nos eciam, ne hoc processu temporis in irritum possit reuocari, ea que coram nobis proposita et facta sunt, fecimus mandari litteris, et sigilli nostri munimine roborari.

(Eredetie bőrhártyán, egy hártyazsinegen függő pecsét alatt, a budai kir. kamarai levéltárban.)