Ponet Comes frater Arnoldi Comitis de patre et de matre omnibus, ad quos littere presentes peruenerint, salutem in Domino salutari. Significamus omnibus presentes litterras inspecturis, quod Magister Michael presentibus nobis, sub testimonio Episcopi Vesprimiensis, Comitis Haholdi, Magistri Buzadi, et omnium cognacionum nostrarum, ab omni controuersia, inpeticione, solucione et restitucione seruorum et ancillarum, que super facto predij de Scemuna inter ipsum Michaelem uertebatur ex una parte, et Acus, Nicolaum et Dionisium ex altera, omnino est liberatus et absolutus, et iam dictum predium Scemuna superius nominato Magistro M. integraliter restitutum, sibi et suis heredibus in perpetuum possidendum; et hoc cum litteris testimonialibus Episcopi Vesprimiensis confirmatum. Et nos eciam, ne hac processu temporis in irritum possit reuocari, ea que coram nobis proposita et facta sunt, fecimus mandari litteris, et munimine nostri sigilli roborari.

(Eredetie bőrhártyán, hártyazsinegen függő pecsét alatt; a budai kir. kamarai levéltárban.)