Damus pro memoria: quod causam, quam Magister Corraldus filius Stephani de Owar, Petrus de Inslou, Dionisius filius Gregori, Soyl de Zecke, Laurencius Caluus, et Laurencius filius Beche, Gregorius et Stephanus filij Beche de Bothka contra Nicolaum filium Jula, et Aradiam officialem eiusdem, officialem Nicolay super facto cuiusdam terre Zechke uocate in quindenis Sancti Georgij in nostri presencia habebant, per peticionem parcium abrogauimus ad arbitrium Andree de Fyles et Alberti de Lod quos Magister Coraldus et socij sui adducent, item Martini de Alma et Chetley filij Mathey, quos pars aduersa adducet. Qui quidem in octauis Sancti Jacobi Apostoli super facie dicte terre Zechke presente homine Cruciferorum de Okur arbitrabuntur inter partes. Et quicquid ijdem arbitri arbitrabuntur inter pertes, debent partes tolerare. Pars uero de arbitrio predictorum uirorum resiliens, iudicio Regali subiacebit. Dicimus eciam, quod dictus Comes Nicolaus Demetrium filium Sama, Eymiricum et Thomam expeditores dicte terre Zechke, litteras et instrumenta super ipsa terra confectas et confecta in eisdem octauis Sancti Jacobi toram ipsis arbitris debet statuere et exhibere. Rursus partes in octauis Sancti Regis Stephani debent toram nobis comparere ad pacem recitandam, uel ad litem prosequendam; seriem facti in litteris Cruciferorum de Okur reportando. Datum in Susuchtou feria quinta proxima ante festum Pentecostes.

Kivül: Pro Magistro Coraldo filio Stephani et socijs, contra Comitem Nicolaum filium Jula et Aradiam officialem suum ad octauas Sancti Regis.

(Eredetie bőrhártyán, a hátul oda nyomott pecsétnek töredékén a király alakjának része látszik még; a m. b. Révay család levéltárában.)