Datum pro memoria, quod Kemen, Renoldus et Jak filij Ebed, Isep filius Isep, Kenez filius Vrbani, Gregorius filius Gregorij de Ond, tam pro se quam pro Martino cognato suo personaliter comparendo, in figura Judicij coram nobis exhibuerunt litteras sex iudicum olim ex parte nostra et domini Regis karissimi patris nostri felicis memorie deputatorum, ac eciam priuilegium eiusdem karissimi patris nostri; petentes ut iuxta premissorum continenciam instrumentorum ex parte Ponich Comitis ipsis iusticiam faceremus, tam super possessionibus in litteris et priuilegio eisdem expressis, quam eciam super morte eiusdem Gregorij de Ond, et Und filij sui, ac Joance cognati filiorum eiusdem Ebed, quos ijdem per ipsum Ponich Comitem et Jacobum filium eius super domos suas manu armata et uiolenta ueniendo dicebant morte turpissima interfectos. Contra quos predictus Comes Ponit personaliter tam pro se quam pro filio suo respondit, quod iuxta predictorum instrumentorum continenciam procedi non debet in negocio eo, quod eadem instrumenta per odium et rancorem ipso Ponit Comite absente et existente aput nos, super possessionibus et alijs factis in litteris non deductis ijdem filij Ebed et socij eorum prefati false et ueritate suppressa maliciose impetrassent; adiecit eciam idem Ponich Cames, quod memoratum Gregoruim et predictos alios duos homines ad ipsum pertinentes, in uia publica tanquam fures et latrones eos inuadere volentes occidissent, exigentibus culpis eorundem, in ipsius filij sui absencia antedicti. Nos uero auditis parcium proposicionibus una cum Baronibus nostris qui adherant, sentencialiter decrenimus, quod pars utraque debeant producere pugilem congressurum quem pro sua parte inuenire poterunt meliorem, qui in octauis Sancti Mychaelis in armis ei in equis secundum Regui consuendinem approbatam coram nobis debent congredi in duello, pugnaturi iuxta formam assercionis parcium predictarum. Preterea decreuimus, quod possessiones eedem, quarum nomina in pedictis litteris et priuilegio continentur, sub tutela et defensione Albensis Capituli indempniter conseruentur usque expedicionem duelli supradicti; nec interim partes se intromittere poterunt de eisdam. Datum Strigouij in crastino Pentecostes.

(Eredetie bőrhártyán, melynek határa a király pecséte van nyomva, a nemz. muzeum irattárában.)