Datum pro memoria, quod Comes Renoldus et Jak, Myke, Johannes pro se et generacionibus suis contra Comites Chepanum filium Laurencij, et Laurencium filium Alexandri de Sytke personaliter astantes egerunt in figura Judicij coram nobis, quod ijdem Chepanus et Laurencius in villa eorum Sytke vocata plaustrum eorum de curia Regia ad domum suam transmissum potencialiter spoliassent, res in equis, armis et alijs rebus in eodem auferendo ad ualorem viginti marcarum. E conuerso prefatus Chepanus et Laurencius respondentes premissa se fecisse denegarunt; adicientes, quod ipso facto expertes essent et immunes. Vnde parcium auditis proposicionibus decreuimus, quod ijdem Comes Renoldus et alij predicti assercionem suam presbitam testis (így) quos producere poterunt, comprobabunt coram Capitulo Castri Ferrei; feria secunda proxima post quindenas Apostolorum Philipi et Jacobi rursum partes octauo die comparebunt coram nobis iterato, et idem Comes Renoldus et socij sui nomina et asserciones suorum testium in litteris dicti Capituli exhibebunt. Datum in Sar sabbato proximo ante octauas Sancti Georgij martiris.

Hátulról ugyanazon kéz: Pro Renoldo et alijs contra Chepanum et alios.

(Eredetie bőrhártyán, melyről a zárpecsét már lehullott, a nemz. muzeum kézirattárában.)