In anno Dominice Incarnationis millesimo centesimo octogessimo primo, indictione quinta decima, vigesimo die mensis Septembris, in Ragusio. Comes Triphon Dominator Catari, veniens Ragusium cum Dabro et Jotze de Dabro, Dolla de Sazeuezo, Blasio de Fancello, Euticio de Poto ad pacem firmam in eternum tenendam, hec statuerunt ex parte tocius Catari cum Wascono et tota Communitate Ragusina: ut quicumque Raguseus vel Catarinus crediderit sua primum videat cui credat; et dum crediderit super alium, non valeat tenere se nisi super debitore suo. Ut pignora non sint intra Ragusium et Catarum; et quicumque Raguseus vel Catarinus iusticiam quesierit cum carta de Communi Civitatis, vadat ad querendam iustitiam, et rediens ad Civitatem suam, cartam adducat de Communitate Civitatis, de injusto, ut justicia, quod fuerit perpessus, cum carta vadat et cum carta redeat. Nulli credatur nisi cartam habuerit de Communitate Civitatis.

(Ljubics, Monum. sp. hist. Slav. Merid. I. köt. 11. l.)