In nomine Sancte Trinitatis et Indiuidue Unitatis. Que racionabili pietatis studio Sacrosanctis Ecclesijs conferuntur, ut memorie posterorum tenaciter inhereant, et inuiolata permaneant, prouida statuit antiquitas ea priuilegiorum firmitate perpetuari. Quapropter Ego Bela tercius Dei gracia Hungarie, Dalmacie, Crowacie Rameque Rex notum facio cunctis Christi fidelibus tam modernis quam posteris, quod pie memorie pater meus Rex Geysa de tributo fori Nitriensis ducentas pensas, sicut in priuilegio ipsius continetur, hospitali domui eiusdem loci, annuatim persoluendas contulerat. Postmodum ego paterne deuocionis ac pietatis imitator, paupertati Ecclesie Nitriensis pie compaciens, terciam partem eiusdem tributi pontis Narhyd, et pontis qui est uersus Zubur, et telonei de Turz annexa est, cum bilotis forensibus, quorum maior est Nitriensis, qui et pro se et pro alijs respondere tenetur, eidem Ecclesie ex integro concessi; vt ubicunque Comiti, uel Comitisse, uel Curiali Comiti, uel cuicunque qualecunque tributum quandocunque in memoratis locis colligitur, predicta pars tercia ab homine Episcopi integre accipiatur, et hec Ecclesia perpetuo possideat. Preterea tres naues saliferas ea libertate, quam habent naues Monasterij de Bisra in emendo et deferendo sale, siue Orodini, siue in Ciggedin seruari placuerit, Nitriensi Ecclesie concessi, et ad preces Episcopi, si potuerit naues habere sufficientes, quod tribus vijs deduci debet, ut una via deducatur, ex Regia liberalitate adieci. Quicunque uero huic dono nostro, siue de tributis, siue de sale, contrarius extiterit, et quod ad salutem anime mee dedi in aliquo diminuere temptauerit, iram Dei Omnipotentis, et Sanctorum eius, quorum ius mutilare conatur, incurrat, et auctoritate Regali in viginti marcis argenti purissimi puniatur. Vt autem huius mee donacionis pagina in perpetuum uigeat, eam meo sigillo raborari precepi. Anno Incarnacionis Dominice millesaimo C°LXXX°III°. Nicolao Strigoniensi Archiepiscopo, Petro Agriensi, Johanne Wezprimiensi, Mycudino Gewriensi, Job Waciensi, Euerardo Nytriensi Episcopis; Farcasio Palatino Comite, Dyonisio maritimas partes et Bachiensem Comitatum gubernante; Thoma Albensi, Esau Bychariensi, Johanne Posoniensi, Samodyno Nytriensi Comitibus. Calanus uero Regis Cancellarius hanc cartam annotauit.

(Az esztergami káptalannak 1226-ki átiratából, mint alább.)