A B C

Farchasius Quinqueecclesiensis Prepositus totumque eiusdem loci Capitulam presens scriptum cernentibus salutem in Domino. Vniuersitati vestre presenti cedula innotescat, quod ad peticionem Comitis Buchk et Jule, filiorum Symonis de Suklos de genere Kan unum ex nobis, Magistrum Petrum Concanonicum nostrum (ad) ordinacionem seu diuisionem, quam inter se habere intendebant, transmisimus. Qui postmodum idem homo noster vna cum Comite Buchk et Jula fratre suo in nostri presencia personaliter constituti, propositum exstitit et relatum, quod omnes possessiones eorum hereditarias presente homine nostro taliter diuisissent, quod medietas ville Suklos a parte septemtrionali cessisset in ius et proprietatem cum suis vtilitatibus et pertinencijs vniuersis Comiti Buchk, maiori filio Symonis supradicto; a parte vero meridionali remanaisset Jule fratri suo antedicto. In Belkuz due ville Scuranfolua et Ztro uocate cum suis pertinencijs et vtilitatibus; item medietas duarum villarum Lok et Azarias a parte septemtrionali similiter cessisset in ius et proprietatem Comiti Buchk sepedicto; e conuerso ibidem in Belkuz due wille Kemus et villa Zapcha cum suis vtilitatibus et pertinencijs vniuersis; item medietas duarum villarum predictarum Lok et Azarias a parte meridionali cessisset et remansisset Comiti Jule prelibato. Nos autem ad peticionem predictorum litteras presentes conscribi fecimus et sigilli nostri munimine roborari. Datum per manus Magistri Petri Lectoris Quinqueecclesiensis, anno gracie M° C° nonagesimo primo mense Marcio. Jurcone Cantore, Teodore Custode, Wencezlao Decano ceterisque quam pluribus ibidem existentibus.

(Eredetie bőrhártyán, az egykor sárga selyemzsinóron függő pecsét elveszett; a budai kir. kamarai levéltárban.)