Andreas Dei gracia Dalmacie, Croacie, Hulmeque Das, secundi Bele Regis filius, venerabili in Christo patri Dominico, eadem gracia Episcopo Zagrabiensi, (salutem) in perpetuum. Justis petencium desideriis nos facile prebere decet assensum, et ea, que a racionis tramite non exorbitant, effectu prosequente complere. Justis igitur postulacionibus tuis grato concurrentes assensu, hanc populo tuo et Ecclesie Zagrabiensi conferimus libertatem, et sigilli nostri munimine confirmamus et roboramus tam Hungaris, quam Latinis seu Sclavis: ut si quis aliquem de populo tuo et Ecclesie predicte in causam trahere voluerit, sub te vel sub iudicibus a te constitutis eum debeat convenire; nec aliquis de iam dicto populo tuo et Ecclesie sub alio iudice teneatur alicui respondere. Quod si tu vel indices iusticiam nolueritis exhibere, et aliquis iudices tuos propter hoc voluerit convenire, tunc pro homine vel hominibus tuis sub Bano nostro, vel sub nostra clemencia iudex ille, qui iusticiam noluit facere, respondebit. Actum est hoc anno Dominice Incarnacionis MCLXXXXVIII. die Iune V. Idus Maji indiccione prima, epacta XI. concurrente III. Andrea Bano existente, Fulcone Comite Brudrugiensi, Crazone Comite Guarastiensi. Datum per manus Belesini filii Cornelii Comitis.

(Tkalcsis, Monum. hist. Episc. Zagrabiensis I. köt. 7. l.)