Nos Garganus de Cortisio Justiciarius Barensis, Leo Mancinus Barensium Judex, Rogerius Madii Ammiratus filius, et Leo Utcius cives Bari, voluntate et mandato omnium Barensium, iuramus in anima ipsorum et nostra ad Sacra Dei Evangelia, firmam pacem et concordiam tenere deinceps ad duodecim annis universis hominibus Civitatis Ragusiii, ut non offendamus eos nec in rebus, nec offendi faciemus ab aliquo, nec patiamur offendi bona fide sine fraude et malo ingenio. Ita quidem, quod nos Barenses studebimus et diligenter tractabimus cum omnibus vascellis Apulorum cursalium, qui per partes nostras transitum habuerint, ut iurent ad Sacra Dei Evangelia, non offendere homines Civitatis Ragusiii nec in rebus nec in personis; et si hoc facere noluerint, non percipiemus eos, sed expellemus eos a portu et tenimento nostro, nec ullum auxilium aud consilium eis dabimus. Et si contingerit, quod absit, aliquem de tenimento Bari offendere aliquem Ragusinum, cum requisiti fuerimus de iustitia facienda, plenam eis iustitiam faciemus. Hec omnia observabimus bona fide sine fraude et malo ingenio, salva fidelitate et ordinatione domini nostri Regis Frederici. Sic nos Deus adjuvet, et hec Sacra Dei Evangelia. Incarnationis nostri Jesu Christi anno millesimo ducentesimo primo. Regnante domino nostro Frederico invictissimi Regis Sicilie, Ducatus Apulie, et Principatus Capue, anno quarto, mense Februario die octavo, indictione quarta. Quod Robbertus Notarius rogatu nostro scripsit imo interfuit.

(Ljubics, Monum. sp. hist. Slav. Merid. I. köt. 20. l.)