In nomine Sancte Trinitatis et Indiuidue Unitatis. Andreas Dei gracia Hungarie, Dalmacie, Croacie, Rame, Seruie, Gallicie, Lodomerieque Rex in perpetuum. Regie Serenitatis deuocioni plurimum expedit, quod ex fonte nascitur pietatis, ut hospites omnes ad sinum sue benignitatis confugientes suscipiat et foueat; sed racio persuadet, ut cos propensius protegat et promoucat, quos ad honorem Corone et Regni utilitatem inspexerit efficacius inuigilare. Huius igitur rey speculacione salubriter ammoniti et Johan Latini hospitis fidelis nostri militis seruiciorum merita fideliter et efficaciter nobis impensa considerantes, terram quandam nomine Cwezfey pristaldo infideli (így) nostro Andrea filio Teutonici Martini de villa Vratotus, hereditario iure in perpetuum ei contulimus possidendam. Qve terra his metis et terminis circumgingitur et concluditur. Incipit itaque prima meta de Barancuth, et progrediens terminatur ville Lewenech; vnde exiens per quasdam metas tenet terminum cum villa Cowrnh; et inde terminus vadit per tres metas, donec perueniatur ad uillam Wellmer; inde progrediens per quasdam metas conterminam habet villam Sars; deinde similiter uadit per quasdam metas et coniungitur uille militum; unde procedens de meta in metam reuertitur ad predictam villam villam Barancuth; infra quas villas est terra Johan, quam ei dedimus. Que eciam est lustrata et metis assignata per iam dictum pristaldum, iobagionibus Albensis Castri testimonium inde perhibentibus. Quorum nomina hec sunt: Gyuna, Cyna, Gyurgy, Iseph, Willam, et aliis quam pluribus, quos tedet nominare. De cetero paci et quieti illius prouidere uolentes, eandem libertatem, quam frater noster Rex Hemiricus recolende memorie ei contulerat, sibi suisque heredibus presencium auctoritate concedimus; uidelicet quod in placito ad nullius iudicis adstet presensiam preter Regie Maiestatis et Comitis Palatini; cuius ius saluum esse uolumus, et vbicunque locorum domos, terras, uineas, molendina et alia quecunque hona, quascunque possessiones habuerit, uel in posterum prestante Domino poterit adipisci, sine aliqua dilaceracione uel infestacione precipimus permanere. Ad hec stabilimus, quod ad quemcunque locum ipse uel eius famuli causa mercacionis venerint, ab omni exaccione uel pensione tributi liberi sint et exempti. Decernimus ergo, et nulli omnino hominum fas sit, prenotatum Johan eiusque heredes in aliquo perturbare, et suam familiam inquietare, uel eius possessiones auferre uel aliquatenus minuere; sed integre et illibate permaneant illi illiusque in perpetuum heredibus usibus idoneis pro futuris. Ne igitur huius nostre donacionis uel institucionis series ab aliqao posterorum calumpniose possit infringi, presentis scripti patrocinio et Regie Serenitatis sigillo fecimus confirmari. Si quis autem pertinax et indeuotus presenti pagine temerario ausu contraire temptauerit, iram Omnipotentis Dey incurrat, et Regie indiguacionis seueritatem uehemencius experiatur. Datum per manus Gotfredi Orodiensis Prepositi et aule Regie Cancellarij anno ab Incarnacione Domini M°CC°VI°. Venerabili Johanne Strigoniensi Archiepiscopo existente, Calano Quinque Ecclesiensi Episcopo, Bolezlao Waciensi, Kalanda Vesprimiensi, Kathapano Agriensi, Desiderio Chenadiensi, Guthardo Zagrabiensi, Symone Waradiensi, Petro Geuriensi. Mogh Comite Palatino et Bychoriensi, Chepano Bano existente, Chepano Comite Bachyensi, Gyula Budrugiensi, Marcello Supruniensi, Benedicto Woyowoda, Smaragdo Curiali Comite nostro et Zonuchiensi, Mercurio Posoniensi, Tiburcio Curiali Comite Regni et Albensi, Martyno Woswariensi, Ogyuz Zaladiensi, Nicolao Nitriensi, Poth Musuniensi, Nicolao Chenadiensi.

(V. István, akkor ifjabb királynak 1257-ki megerősítő privilegiumából, mint alább.)