In nomine Sancte Trinitatis et Individue Unitatis. Andreas Dei gracia Vngarie, Dalmatie, Croatie, Rama, Servie, Galitie, Wladomirieque Rex in perpetuum. Quoniam ex annorum et temporum transvolutione humane dispositionis plerumque invida derogat oblivio, ideoque indagatrix veritatis et provida futurorum sibimet consuluit ratio, ut quod memoriter in cordis armariolo nequit observari, scriptis et attramento comendetur. Ideo est, quod cum dilectus et fidelis noster Comes Wratizlaus tempore, quo Ducatus fruebamur dignitate, quando etiam inter nos et bone memorie fratrem nostrum H(emericum) Regem discordia vertebatur, ob piissimam susceptionem et fidele servitium, quod nobis exhibuit, iacturam non modicam, tam domus sue combuste quam rerum ceterarum, precepto dicti fratris nostri tunc Regis passus fuisset; denique susceptis a Deo Regni gubernaculis ad presentiam nostram accessit, Regiam instanter rogitans Magestatem, ut patrimonium suum et fratrum suorum cum universis prediis et possessionibus eorum sub unius privilegii tenore corroborareums. Nos enim peticionibus suis benignum prebentes auditum et merito, fideli nostro Banc Bano dedimus in mandatis, ut terram suam et possessiones cum metis diligenter inspiceret, quibus de meta ad metam per pristaldum nostrum, ipsius Bani capellanum Cyprianum nomine, iuste circumdatis, sub sigillo suo coram quam pluribus castrensibus et Zagrabiensibus Canonicis nullo prohibente, nec in aliquo metis prefate terre contradicente, nomina prediorum et metarum supradicti Comitis et fratrum ipsius nobis fecit deportari. Que omnia, tam predia quam terras cum ceteris pertinentiis suis integraliter, sieut in presenti privilegio continetur, sibi cum fratribus suis, et per eum filiis et successoribus eorum, auctoritate Regia confirmamus, talem eidem terre concedentes libertatem: quod nullus Banus, nullus Comes sive quilibet alius de cetero super illam terram, nisi ex bona voluntate eorum, quoquo casu presumat descendere. Prima igitur meta predii Dobra nomine, quod est supradicti V(ratizlai) Comitis et consanguineorum eius, incipit a Zawa et tendit ad lapideum portum, deinde ad arborem pomi, ubi est meta de terra, deinde ad arborem piri, inde ad arborem cerasi, inde vadit ad arborem fagi, deinde progreditur ad arborem dumi, inde ad arborem fagi, que stat superius in monte, inde per directum ad cacumen montis ubi est meta terre, ibique dividitur a terra Sagrabiensis Ecclesie, inde revertitur ad locum qui dicitur Calz, inde descendens vadit ad rivum, deinde superius tendit ad arborem dumi, inde ad Ecclesiam, que est in honore Omnium Sanctorum, ab hinc descendit ad arborem populi, inde tendens progreditur ad aliam arborem populi, que stat iuxta rivum nomine Studensz, deinde tendit ad Zawam; a supradicta ecclesia Omnium Sanctorum dividitur terra sua quam absque consanguineis possidet. Ibi etiam habet predium pro se, obi est ecclesia Sancti Martini, cuius predii meta incipit ex una parte Zawa et tendit usque ad Crapina, deinde ad Gypka, inde ascendendo tendit usque ad verticem montis, qui volgo dicitur Zelemen. Prima meta predii Poloniza nomine, ubi supradictus V(ratizlaus) Comes edificavit Ecclesiam nomine Sancti Nicholai, est versus occidentem ubi est aqua nomine Crapina, inde tendit ad rivum Ded potoka nomine, qui descendit de monte Vrsi, ubique dividitur a terra fratrum suorum. Petus qui dicitur frater V(ratizlai) Comitis habet predium nomine Lubenic infra metas supradicti Sancti Nicholai. Dobucha vero et Berizlo fratres V(ratizlai) Comitis habent predium nomine Bistra, cuius meta incipit iuxta Crapina, et tendit usque ad rivum Jerana, inde asceudit usque ad montem Vrsi. Supradictus V(ratizlaus) Comes habet predium iuxta Crapina nomine Cherniz, cuius meta est iuxta aquam, et tendit usque ad rivum nomine Kammna, inde ad arborem dumi, inde progreditur ad magnam viam, que venit de calida aqua, ibi est meta de terra facta, et inde valid ad Pritizcam. Aliud predium etiam V(ratizlaus) Comes predictus habet nomine Zlubiza, ubi edificavit ecclesiam Sancti Georgii, cuius meta, quam hostendit metarius nomine Nesdist pristaldo nostro, incipit ad arborem abietis, inde tendit ad rivum nomine Cladnik, inde inferius ad metam terre, deinde vadit ad Tupliza, inde ad arborem piri, deinde ascendit ad montem ubi est arbor dumi, ibique est meta de terra, inde tendit meta ad arborem sorbi, quam monstravit Nisk metarius predicto pristaldo nostro, inde tendit ad arborem quercii, ibique est meta de terra quam monstravit Nomoy, inde tendit ad metam Martini, ibique est meta de terra, inde progreditur ad locum qui dicitur Holm, inde ad magnam viam, que dicitur Torda via, inde tendit ad caput rivi, qui vocatur Cassina, inde ad locum qui dicitur Planina, quam monstravit Marcus, inde tendit ad arborem castanee, inde ad locam qui dicitur Dubiza; abhinc vadit ad caput Vidak; inde revertitur ad primam metam. Aliud predium habet V(ratizlaus) Comes nomine Bystriza, cuius meta quam monstravit Petku, incipit ubi Sitomeria cadit in Crapinam, inde vadit iuxta aquam ad rivum qui dicitur Zdeed, inde ad locum nomine Claz, abhinc transiens vadit ad Globoucez, ibique est meta de terra sub arbore querci, inde ascendit ad metam de terra, que est in monte iuxta vineam, inde tendens meta per directum vadit ad arborem querci, quam monstravit Zelk, inde descendit ad arborem, que vulgo dicitur graber, inde ascendit ad magnam viam, ubi est arbor ilicis, et meta de terra, abhinc vadit ad magnam metam; que stat sub arbore dumi, inde tendit ad arborem castanee, que in meta terre stat, deinde vadit Bystrizam, ubi est magna meta de terra, inde transiens per mediam aquam, vadit ad arborem piri, ubi est meta de terra, inde vadit sub vinea usque ad caput rivi, deinde ad cacumen montis, ibique est meta de terra, inde descendens revertitur ad metam iuxta domum Martini, deinde vadit ad caput rivi nomine Lubenik, inde ad metam de terra, ubi Lubenik cadit ad alium rivum; deinde vadit ad magnum fagum ubi est meta de terra, inde vadit ad locum qui dicitur Calze, ubi est meta de terra, inde transiens iuxta viam, que cadit in rivum, vadit ad locum ubi rivus cadit in Crapinam. Cosina igitur frater sepedicti V(ratizlai) Comitis habet terram, que dividitur a terra fratris sui V(ratizlai) Comitis, in loco ubi predictus rivus cadit in Crapinam, in qua habet predium nomine Pihina, cuius meta incipit iuxta predictum rivum, qui cadit in Crapinam, quam monstravit Nemog, et vadit ad arborem pomi, deinde ad locum nomine Zavey, inde vadit ad duas arbores piri et tilie sub quibus est meta de terra, inde per montem ad arborem dumi, ibique est meta de terra, abinde tendit ad duas metas, que sunt sub fago iuxta aquam nomine Pichina, inde transiens aquam ascendit ad montem, ibi adiungitur cum metis fratris sui V(ratizlai) Comitis, quarum metarum fuit Cuplen metarius. Preterea prefatus V(ratizlaus) Comes habet predium nomine Horsouz, cuius meta incipit iuxta rivum Zelnik, quam monstravit Boyla metarius, et vadit ad caput supradicti Zelnik, ubi fuit alias metarius nomine Gerizlau, inde tendit ad arborem querci, ibique est meta de terra, cuius mete fuit Bolarin metarius, inde tendit ad rivum nomine Lucilniza, ibique est meta terrea, inde pertransiens tendit ad metam, que est iuxta domum Crisan, inde descendendo cadit in Crapinam, et inde revertitur ad primam metam. Prenominatus V(ratizlaus) Comes aliud habet predium nomine Plesiwza, cuius meta incipit ad caput Jaworoz et tendit ad Lipouz, ubi est meta de terra, deinde vadit ad Drenec, ibique est meta de terra, inde ad caput Brigana, ubi est meta de terra, et inde revertitur ad primam metam. Habet V(ratizlaus) Comes predium nomine Horonguza inter Zawam et Cherniz, quod est commune fratribus suis, cuius meta incipit ad caput Drenec, ubi est meta de terra, quam monstravit metarius Baran, inde tendit ad Zawam. Vransa etiam, cognatus supradicti V(ratizlai) Comitis, est particeps eiusdem predii. Toma vero et Petus fratres sepedicti V(ratizlai) Comitis habent predium nomine Otok, cuius meta incipit in portu Lilic, de qua metarius fuit Zobula, inde vadit ad rivum nomine Biztua, inde ad rivum Pioisa, deinde ad arenosum stagnum, inde vadit ad Mlacam, et inde cadit in Zawam, de qua fuit metarius Crisan. Troceil frater prefati V(ratizlai) Comitis habet per se predium nomine Orechoug iuxta Zawam. Stephanus etiam habet predium nomine Poiatna, cuius predii sunt metarii Vresc ex una parte, ex altera Berizlou, ex tercia vero Posdis. Strizmer siquidem habet predium nomine Lipouz, cuius metarius est Martinus ex una parte, ex altera parte Berizlou, ex tercia parte Drasey. Ut autem hec a nobis omnium supradictorum tam prediorum quam aliarum possessionum sepedicti V(ratizlai) Comitis et fratrum eius facta confirmacio nullis unquam temporibus valeat retractari, et ne quis vicinonorum eius, sive cuiuslibet condicionis alius, ipsum vel fratres eius de prediis et possessionibus sepedictis presumat de cetero molestare, presenti eam pagina in noticiam deduci posterorum et Regie auctoritatis sigillo iussimus insigniri. Si quis vero huic nostre confirmacioni obviator temerarius extiterit, Rexiam graviter indignationem se noverit incursurum, et penam Regni consvetam, videlicet X marcas auri pro regali iudicio soluturum. Datum per manus Magistri Thome Aule Regie Vicecancellarii, anno ab Incarnatione Domini: MCCIX. Venerabili Johanne Strigoniensi Archiepiscopo, Reverendo Bertholdo Colocensi Electo existentibus, Calano Quinqueecclesiensi, Bolezlao Waciensi, Catapano Agriensi, Symone Waradiensi, Kalenda Vesprimiensi, Gothardo Zagrabiensi, Desiderio Chenadiensi; W(ilhelmo) Transiluano, Petro Gueriensi, Ecclesias feliciter gubernantibus. Poth Palatino et Musuniensi, Bank Bano M(ichaele) Woiawoda existentibus, Marcello Bachiensi, Jula Budriguiensi, Moche Posoniensi, Nicholao Bichoriensi, Martino Keweiensi, Alexandro Simigiensi, Ochuz Suproniensi, Moys Ferrei Castri Comitatus tenentibus. Regni nostri anno V.

(Tkalcsics, Monum. historica Episc. Zagrabiensis I. köt. 17. l.)