In nomine domini Dei et salvatoris nostri Jesu Christi. Anno Domini millesimo ducentesimo tercio decimo, mensis Madii, indictione prima, Rivoalti. Plenam et irrevocabilem securitatem facimus nos quidem Petrus Ziani Dei gratia Venetiarum, Dalmatie atque Croatie Dux cum nostris heredibus tibi namque Johanni Veglensi Comiti et tuis heredibus de quantocumque nobis dari tenebaris in anno nuper transacto, finis cuius anni fuit festum Sancti Michaelis nuper sub indictione eadem transgressi millesimi, tam pro regalia nostra, quam etiam pro Comitatu Vegle et insule totius atque pro insula de Perviki secundum tenorem unius promissionis carte, quam Henrico Dandulo bone memorie predecessori nostro fecisti hic in Rivoalto anno Dominice Incarnationis millesimo centesimo nonagesimo nono, mensis Aprilis, indictione secunda, velut in ea legitur, et legitur de premissis; qnam promissionis cartam pro vigore et robore suo Judices, Consilarii, Advocatores et Camerarii Communis Venetiarum, eiusdem Venetiarum populi callaudatione nobis transactarunt per securitatis cartam exinde factam anno Domini millesimo ducentesimo septimo, die nono intrante mensis Septembris, indictione undecima, Rivoalti, ut in ea plenius continetur. Nunc autem, quia tu de suprascripto anno nuper transacto nos cum integritate paccasti et deliberasti, a modo igitur in antea inde securas et qietus permanebis in perpetuum; quia nihil de ipso anno nuper transacto, sicut dictum est, remansit, unde te amplius requiri aut compelli nollumus pro ullo ingenio. Quod si unquam contra hanc securitatis cartam irrevocabilem temptaverimus, componere promittimus cum nostris heredibus tibi et tuis heredibus auri libras quinque, et hec securitatis carta in sua firmitate permaneat.

† Ego Petrus Ziani, Dei gracia Dux, manum misi.

† Ego Johannes Vituri testis subscripsi.

† Ego Henricus Polani testis subscripsi.

L. S. Ego Michael Bonifacius Presbiter et Plebanus Sancte Marie Jubianici et Notarius, complevi et roboravi.

(Ljubics, Monum. spect. hist. Slav. Merid. I. köt. 28. l.)