Andreas Dei gracia Hungarie Rex etc., omnibus ad quos presens scriptum pervenerit salutem. Presentibus notum esse, volumus, et non latere posteros, nos elemosinam nostram de Toplica in omnibus augmentari cupientes, Abbati eiusdem loci concessisse et licenciam dedisse, forum faciendi in Bachosa, quod eadem firmitate libertateque volumus roborari, qua cetera Regni nostri fora gaudere dinoscuntur. Hinc est quod districte precipimus et sub pena Regie indignacionis indicimus, ne quis homines undecunque ad dictum forum venientes seu inde recedentes impedire vel molestare presummat, sed pocius gracie nostre recuperacionis obtentu eos protegat et defendat.

(Tkalcsics, Monum. hist. Episc. Zagrabiensis I. köt. 34. l.)