Notum facimus omnibus Christi fidelibus tam presentibus quam futuris, quod Ego Herveus Abbas Sancti Egidii de Symigio, et nos Monachi eiusdem Monasterii, constituti videlicet in presencia Jauriensis Episcopi, et Abbatis Waradiensis, et Abbatis de Beel, a domino Papa delegatorum Judicum, pro causa scilicet que uertebatur inter Abbatem et Monachos Sancti Martini de Pannonia, et Nos Symigienses, communi consilio et consensu tocius nostri Capituli, nolentes sequi maliciam et iniquitatem Hilliberti Abbatis et suorum fautorum, qui perturbabant possessiones Monasterii Sancti Martini de Pannonia in decimacionibus aratrorum, orreorum, cellariorum propriorum, et populorum nostrorum, ac parrochianorum Capelle Sancti Petri; nolentes eciam contraire priuilegiis Sancti Regis et Romanorum Pontificum, sed malentes iuri parere, quam improbe litigare; promittimus et firmiter nos nostrosque successores obligamus ad solucionem predictarum decimarum, quia eas de iure debet habere, plenam et integram prefato Monasterio faciendam; videlicet de omnibus aratris, orreis, cellariis propriis, et populis nostris, et parrochianis Capelle Sancti Petri, non impediemus, nec faciemus impediri, nec per nos nec per successores nostros; sed omnium pedictorum decimas dictum Monasterium pacifice et quiete possideat, sine nostre successorumque nostrorum contradiccione. Et ut perpetuitatis robur optineant, has litteras fecimus nostro et Conuentus nostri sigillo roborari. Actum est hoc anno Dominice Incarnacionis M°CC°XV°.

(Dénes nádornak 1238-ki itéletleveléből, mint alább.)