Andreas Dei gracia Hungarie, Dalmacie, Croacie, Rame, Seruie, Galicie, Lodomerieque Rex in perpetuum. Reuerenda Regum sublimitas, etsi innate sibi nobilitatis quodam priuilegio largitatum suarum donis extraneis eciam debeat occurrere; precipuam tamen erga suorum subditorum differencias debet habere diligenciam; ut quanto quis sibi fidelius famulatur, tanto propensius munificencie sue donis remunerandus fore censeatur. Animaduersione siquidem Regie circumspecetionis nostrorum fidelium seruicia pre occulis mentis habentes, propter eximie fidelitatis constanciam, quam in nostro fideli Thoma filio Botch multarum probitatum exhibicione veraciter sumus experti, in suorum recompensacionem meritorum pro concambio terre sue, quam pridem sibi contuleramus in Scipus, terram deserti loci, vbi magnis laboribus propriis sumptibus duas magnas villas constituerat, terram quandam quinque mansionum populorum castri de Nevgrad exemptam nomine Lengend, tam sibi quam suis heredibus contulimus in perpetuum possidendam. Quem in possessionem dicte terre per fidelem iobagionem nostrum tunc temporis Palatinum, scilicet Banchonem fecimus introduci, licet interpolato aliquanto temporis spacio, presens priuilegium fieri inssissemus; quia cum dictus Thomas in iam dictam terram introductus fuisset, quidam de iobagionibus dicti castri nomine Wylmos cum sociis suis super medietate dicte terre ipsum prohibuit, quod propria (sua) terra esset, nec Rex eam sciendo contulisset. Super qua dum diu disceptatum inter eos fuisset, tandem ordine judiciario presencia nostri probatum est, quod dictus Wylmos nichil ibi iuris habuisset. Vnde nos factam liberaliter a nobis donacionem, sicut iuste; quia quod poteramus tradidimus, sigilli nostri munimine roborauimus. Cuius terre prima meta incipit ab oriente sub ulmo cum villa Drug, et uadit superius super fluuium usque montem Fagha; vnde tendens sursum per viam uenit ad radices alti montis super salices; inde tendit ad stagnum Racta, ubi tenet metam cum Blasio; inde transiens berch uenit ad Susuc super caput uallis; inde ad metam Dionisij, vnde reuertitur ad priorem metam, ubi orta fuerat. Cuius eciam ad augmentum, quia modica fuerat, de terra propria in deserto in sinu Matra date terre contigua dedimus; cuius prima meta incipit ad radicem montis Fagha iuxta metam castrensium; vnde uadit sursum super fluuium verses Cucopu; quam relinquens ad sinistram vadit ascendendo in eodem fluuio; de quo egrediendo secundum cursum solis uenit ad superiorem partem Nezdezubaia; inde ad montem Sumus transiens viam, qua itur ad Chomoc, uenit ad Racpotoc, et ibi desinit cum Matra, et incipit cum villa Bewrs, et uenit descendendo per fluuium ad radices alti montis sepius nominati. Datum per manus Hugrini aule Regie Cancellarij anno Dominice Incarnacionis M°CC°XVI°.

(Béla ifjabb királynak 1230-ki megerősítő okmányából, a budai kir. kamarai levéltárban.)